latest news
തനിക്ക് ആരാധന തോന്നിയ നായിക ആരാണ്? അന്ന ബെന്‍ പറയുന്നു
ആരാധകര്‍ക്ക് ഏറെ പ്രിയങ്കരിയായ നടിയാണ് അന്ന ബെന്‍. കുമ്പളങ്ങി നൈറ്റ്‌സ് എന്ന ഒരൊറ്റ സിനിമ മതി അന്ന ബെന്‍ എന്ന നടിയുടെ കഴിവ് മനസിലാക്കാന്‍. അതുകൊണ്ട് തന്നെ ആ വേഷം മലയാളികള്‍ ഇരു കയ്യും നീട്ടി സ്വീകരിച്ചിരുന്നു.
തിരക്കഥാകൃത്ത് ബെന്നി പി.നായരമ്പലത്തിന്റെ മകളാണ് അന്ന. 1995 ലാണ് താരത്തിന്റെ ജനനം. കുമ്പളങ്ങി നൈറ്റ്‌സിലൂടെയാണ് അന്ന സിനിമാ രംഗത്തേക്ക് എത്തിയത്. പിന്നീട് ഒരുപിടി നല്ല സിനിമകളുടെ ഭാഗമാകാന്‍ താരത്തിന് സാധിച്ചു.
ഇപ്പോള്‍ പാര്‍വതിയെക്കുറിച്ച് താരം പറഞ്ഞ വാക്കുകളാണ് വൈറലായിരിക്കുന്നത്. മലയാള സിനിമയില്‍ ഏറ്റവും അടുത്ത സുഹൃത്ത് പാര്‍വതി തിരുവോത്താണ്. ഏത് പ്രതിസന്ധി ഘട്ടത്തിലും കൂടെ ഉണ്ടാവുന്ന ഒരാളാണ് പാര്‍വതി. ഏതൊരു പ്രശ്‌നത്തിലും പാര്‍വതിയുടെ കൈയില്‍ പരിഹാരമുണ്ടാവും. ഞാന്‍ ഏറ്റവും അധികം ആരാധിക്കുന്നയാളാണ് പാര്‍വതി. ഒരു അഭിനേത്രി എന്ന നിലയിലും പാര്‍വതി എനിക്ക് അഭിമാനമാണ്. അന്ന ബെന്‍ പറഞ്ഞു. ആസിഫ് അലി, റോഷന്‍ മാത്യൂസ്, ദര്‍ശന രാജേന്ദ്രന്‍, റീമാ കല്ലിങ്കല്‍ തുടങ്ങിയവരും അടുത്ത സുഹൃത്തുക്കളാണെന്ന് അന്ന ബെന്‍ കൂട്ടിച്ചേര്‍ത്തു.
