latest news
ഭര്‍ത്താവിന്റെ മരണശേഷമുള്ള മീനയുടെ ജിവിതം ഇങ്ങനെ
പ്രേക്ഷകര്‍ക്ക് ഏറെ പ്രിയങ്കരിയായ നടിയാണ് മീന. നെഞ്ചങ്ങള്‍ എന്ന തമിഴ് സിനിമയില്‍ ബാലനടിയായി അഭിനയിച്ചാണ് മീന തന്റെ ചലച്ചിത്രജീവിതം തുടങ്ങിയത്. ശിവാജി ഗണേശനായിരുന്നു ഈ ചിത്രത്തിലെ നായകന്‍.
കരിയറില്‍ തിളങ്ങി നില്‍ക്കുന്ന സമയത്തായിരുന്നു താരത്തിന്റെ വിവാഹം. പിന്നാലെ കുഞ്ഞും ജനിച്ചു. എന്നാല്‍ ഇടവേളകളില്‍ എല്ലാം മീന സിനിമയില്‍ അഭിനയിച്ചിരുന്നു. പക്ഷേ അതിലിടയ്ക്കാണ് മീനയ്ക്ക് ഭര്‍ത്താവിനെ നഷ്ടമാകുന്നത്.
ഭര്‍ത്താവിന്റെ മരണ ശേഷമുള്ള മീനയുടെ ജീവിതത്തെക്കുറിച്ച് പറയുകയാണ് കലാമാസ്റ്റര്‍. സാഗറിന്റെ മരണ ശേഷം അവരുടെ അമ്മയുടെ കാര്യങ്ങള്‍ എല്ലാം നോക്കുന്നത് മീനയാണ് എന്നാണ് കലാമാസ്റ്റര്‍ പറയുന്നത്. ഭര്‍തൃമാതാവിനെ സ്വന്തം അമ്മയെ പോലെ മീന ശ്രദ്ധിക്കുന്നുണ്ടെന്ന് കലാ മാസ്റ്റര്‍ പറയുന്നു. മീനയെക്കുറിച്ച് ഇക്കാര്യം എനിക്ക് പറയണം. ഇപ്പോഴും അവളുടെ ഭര്‍തൃമാതാവിനെ നല്ല രീതിയില്‍ നോക്കുന്നു. ഇത് എത്ര പേര്‍ക്ക് അറിയാം എന്നറിയില്ല. പുറമേ നിന്ന് മാത്രമേ നിങ്ങള്‍ മീനയെ കണ്ടിട്ടുള്ളൂ. ഭര്‍തൃമാതാവിന്റെ എല്ലാ കാര്യങ്ങളും അവര്‍ തന്നെയാണ് നോക്കുന്നത് എന്നാണ് താരം പറയുന്നത്.
