latest news
ഒരാളുടെ വീഴ്ചയെ നോക്കി എങ്ങനെ പരിഹസിക്കാന്‍ സാധിക്കുന്നു: അഭിരാമി സുരേഷ്
പ്രേക്ഷകര്‍ക്ക് ഏറെ പ്രിയങ്കരികളാണ് ഗായികമാരാണ് അമൃത സുരേഷും അഭിരാമി സുരേഷും. ഐഡിയ സ്റ്റാര്‍ സിംഗര്‍ എന്ന റിയാലിറ്റി ഷോയിലൂടെയാണ് സൂപ്പര്‍ ഗായിക പദവിയിലേക്ക് അമൃത സുരേഷ് എത്തുന്നത്.
നടിയായിയാണ് സിനിമാ ലോകത്തേക്കുള്ള അഭിരാമിയുടെ തുടക്കം. പിന്നാലെ ചേച്ചിക്കൊപ്പം പാട്ടുമായി അഭിരാമിയും വേദികളില്‍ പ്രത്യക്ഷപ്പെടാന്‍ തുടങ്ങി.
കഴിഞ്ഞ ദിവസം യാത്ര കഴിഞ്ഞ് എത്തിയ അമൃതയുടെ വീഡിയോ അഭിരാമി പങ്കുവെച്ചിരുന്നു. എന്നാല്‍ ഇതിനു താഴം നിരവധി നെഗറ്റീവ് കമന്റുകള്‍ വരാന്‍ തുടങ്ങി. ഗോപി സുന്ദറിനെക്കുറിച്ചുള്ളതായിരുന്നു കമന്റുകള്‍ മുഴുവന്‍. എന്നാല്‍ മോശം കമന്റുകള്‍ക്ക് മറുപടി നല്‍കുകയാണ് അഭിരാമി.
അടുത്ത ഗോപിയെ പിടിക്കൂ, ഊള ഫാമിലി എന്നായിരുന്നു ഒരാളുടെ കമന്റ്. ഇതിന് തക്ക മറുപടി നല്‍കിയിരിക്കുകയാണ് അഭിരാമി. ഒരു സ്ത്രീയുടെ തെറ്റുകളെ നോക്കി ചിരിക്കാന്‍ നിങ്ങള്‍ക്ക് നാണമാകുന്നില്ലേ? നിങ്ങള്‍ തമാശയാക്കി പറഞ്ഞത് ഞങ്ങള്‍ക്ക് സംഭവിച്ച നല്ല കാര്യമല്ല. അത് ഞങ്ങളുടെ കുടുംബത്തെ തകര്‍ത്തതാണ്. ഒരാളുടെ മുറിവ് നോക്കി എങ്ങനെ ചിരിക്കാന്‍ സാധിക്കുന്നു? അതാണോ നിങ്ങളുടെ കുടുംബം നിങ്ങളെ പഠിപ്പിച്ചത്? ഒരാളുടെ വീഴ്ചയെ നോക്കി പരിഹസിക്കാന്‍? എന്നായിരുന്നു അഭിരാമിയുടെ ഇതിനു മറുപടിയായി പറഞ്ഞത്.
