latest news
അസുഖ ബാധിതയാണ്; ബോഡി ഷെയിമിങ് കമന്റുകള്‍ വേദനിപ്പിക്കുന്നുവെന്ന് അന്ന രാജന്‍
അങ്കമാലി ഡയറീസിലെ ലിച്ചി എന്ന കഥാപാത്രത്തിലൂടെ മലയാളികള്‍ക്ക് പ്രിയങ്കരിയായ നടിയാണ് അന്ന രാജന്‍. ലാല്‍ ജോസ് സംവിധാനം ചെയ്ത വെളിപാടിന്റെ പുസ്‌കമായിരുന്നു അന്നയുടെ രണ്ടാമത്തെ ചിത്രം.
ഇടുക്കി ബ്ലാസ്റ്റേഴ്‌സ് ആണ് അന്നയുടേതായി ഇനി പുറത്തിറങ്ങാനുള്ള ചിത്രം. ഇപ്പോള്‍ ഈ സിനിമയുടെ പോസ്റ്റ് പ്രൊഡക്ഷന്‍ വര്‍ക്കുകള്‍ നടന്നുവരികയാണ്. മോഡലിങ്ങിലും ഏറെ സജീവമാണ് താരം.
ഇപ്പോള്‍ ബോഡിഷെയിമിങ്ങ് കമന്റുകള്‍ക്കെതിരെ താരം പറഞ്ഞ വാക്കുകളാണ് വൈറലായിരിക്കുന്നത്. ഓട്ടോഇമ്മ്യൂണ്‍ തൈറോയ്ഡ് എന്ന അസുഖമുള്ളതുകൊണ്ട് ശരീരം ചിലപ്പോള്‍ തടിച്ചും ചിലപ്പോള്‍ മെലിഞ്ഞും ഇരിക്കുമെന്നും മുഖം വീര്‍ക്കുകയും സന്ധികളില്‍ നീര്‍വീക്കവും വേദനയും ഉണ്ടാകുമെന്നും അന്ന പറയുന്നു. അസുഖം ഉണ്ടെന്നു കരുതി ഒന്നും ചെയ്യാതെയിരിക്കാന്‍ ആഗ്രഹിക്കുന്നില്ലെന്നും തന്റെ വിഡിയോകള്‍ കാണാന്‍ താല്പര്യമില്ലാത്തവര്‍ കാണേണ്ടന്നും നടി പറഞ്ഞു.
