latest news
ഒരു ഭാര്യയാകണം എന്ന് തോന്നുമ്പോള്‍ വിവാഹം കഴിക്കും: നമിത പ്രമോദ്
ആരാധകര്‍ക്ക് ഏറെ പ്രിയങ്കരിയായ നടിയാണ് നമിത പ്രമോദ്. തന്റെ 15ാംവയസില്‍ മലയാളത്തിലെ എക്കാലത്തെയും ഹിറ്റ് ചിത്രങ്ങളില്‍ ഒന്നായ ട്രാഫിക്കിലൂടെയാണ് നമിത പ്രമോദിന്റെ സിനിമ അരങ്ങേറ്റം. തൊട്ടടുത്ത വര്‍ഷം പുതിയ തീരങ്ങളില്‍ ലീഡ് റോളിലും താരം കലക്കന്‍ പെര്‍ഫോമന്‍സാണ് കാഴ്ചവെച്ചത്.
1996 സെപ്റ്റംബര്‍ 19 നാണ് നമിതയുടെ ജനനം. താരത്തിനു ഇപ്പോള്‍ 28 വയസ്സാണ് പ്രായം. സോഷ്യല്‍ മീഡിയയില്‍ സജീവ സാന്നിധ്യമായ നമിത തന്റെ ഗ്ലാമറസ് ചിത്രങ്ങള്‍ അടക്കം ആരാധകര്‍ക്കായി പങ്കുവെയ്ക്കാറുണ്ട്.
ഇപ്പോള്‍ വിവാഹത്തെക്കുറിച്ചുള്ള തന്റെ സങ്കല്‍പ്പത്തെക്കുറിച്ച് സംസാരിക്കുകയാണ് താരം. നിറയെ പ്രെപ്പോസല്‍സ് വരുന്നുണ്ട്. എന്നാല്‍ എപ്പോള്‍ വിവാഹം കഴിക്കണം എന്ന കാര്യത്തെക്കുറിച്ച് ഇപ്പോള്‍ ചിന്തിച്ചിട്ടില്ല. ശരിയായ ആളെ എപ്പോഴാണോ കണ്ടെത്തുന്നത് അപ്പോള്‍ വിവാഹം കഴിക്കാനാണ് താല്‍പ്പര്യം. ഒരു ഫാമിലി പേഴ്‌സനെയാണ് തനിക്ക് ഇഷ്ടം എന്നും താരം പറയുന്നു.
