latest news
മകനൊപ്പം അവധിക്കാലം ആഘോഷിച്ച് നവ്യ നായര്‍; ചിത്രങ്ങള്‍
അവധിക്കാലം ആഘോഷിക്കുകയാണ് നടി നവ്യ നായര്‍. മകന്‍ സായി കൃഷ്ണയ്‌ക്കൊപ്പമാണ് താരത്തിന്റെ അവധിക്കാല ആഘോഷം. ഇന്തോനേഷ്യന്‍ ദ്വീപായ ബാലിയിലെ ഉബുദ് നഗരത്തില്‍ നിന്നുള്ള ചിത്രങ്ങള്‍ താരം പങ്കുവെച്ചിട്ടുണ്ട്. മകനൊപ്പം യാത്രയ്ക്ക് ഒരുങ്ങി നില്‍ക്കുന്ന ചിത്രങ്ങളും നേരത്തെ ഇന്‍സ്റ്റഗ്രാമില്‍ താരം പങ്കുവെച്ചിരുന്നു.
നന്ദനത്തിലെ ബാലാമണി എന്ന കഥാപാത്രത്തെ മലയാളികള്‍ക്ക് അത്ര പെട്ടെന്ന് മറക്കാന്‍ സാധിക്കില്ല. കാരണം അത്ര മനോഹരമായ അഭിനയമായിരുന്നു നവ്യാ നായര്‍ ചിത്രത്തില്‍ കാഴ്ച വെച്ചത്. അത് മാത്രമല്ല ഓര്‍ത്തുവയ്ക്കാന്‍ വേറെയും വേറിട്ട് നില്‍ക്കുന്ന നവ്യയുടെ ഒരുപാട് കഥാപാത്രങ്ങള്‍ വേറെയുമുണ്ട്.
ദിലീപ് നായകനായ ഇഷ്ടം എന്ന ചിത്രത്തിലൂടെയാണ് നവ്യ സിനിമയിലേക്ക് എത്തിയത്. പിന്നീട് ഒരു പിടി നല്ല കഥാപാത്രങ്ങളാണ് താരത്തെ തേടിയെത്തിയത്. കല്യാണത്തിനു ശേഷം അഭിനയത്തില്‍ നിന്നും വിട്ടുനിന്നെങ്കിലും ഇപ്പോള്‍ താരം തിരിച്ചെത്തിയിരിക്കുകയാണ്.
