Videos
ഉദ്വേഗം, ഞെട്ടല്‍; കൈ പൊള്ളുന്ന കേസുമായി നൈറ്റ് ഡ്രൈവ്, ട്രെയ്‌ലര്‍ ഗംഭീരം
Published on
ഉദ്വേഗവും ഞെട്ടലും സമ്മാനിച്ച് വൈശാഖ് ചിത്രം നൈറ്റ് ഡ്രൈവിന്റെ ട്രെയ്‌ലര്‍. രണ്ട് മിനിറ്റും 18 സെക്കന്റും ദൈര്‍ഘ്യമുള്ള ട്രെയ്‌ലറാണ് പുറത്തുവിട്ടിരിക്കുന്നത്. അടിമുടി ദുരൂഹത തോന്നിപ്പിക്കുന്ന രംഗങ്ങളാണ് ട്രെയ്‌ലറില്‍ ശ്രദ്ധേയം.
റോഷന്‍ മാത്യു, അന്ന ബെന്‍, ഇന്ദ്രജിത്ത് സുകുമാരന്‍ എന്നിവരാണ് സിനിമയില്‍ ശ്രദ്ധേയമായ വേഷങ്ങള്‍ അവതരിപ്പിക്കുന്നത്. റോഷന്റേയും അന്നയുടേയും നൈറ്റ് ഡ്രൈവില്‍ സംഭവിക്കുന്ന കാര്യങ്ങളാണ് സിനിമയുടെ ഇതിവൃത്തമെന്നാണ് സൂചന. അടിമുടി ത്രില്ലര്‍ സ്വഭാവമുള്ള സിനിമയാണ് വൈശാഖിന്റേതെന്ന് ട്രെയ്‌ലറില്‍ നിന്ന് വ്യക്തമാകും.
അഭിലാഷ് പിള്ളയുടേതാണ് തിരക്കഥ. പ്രിയ വേണുവും നീത പിന്റോയും ചേര്‍ന്നാണ് സിനിമ നിര്‍മിക്കുന്നത്. രഞ്ജിന്‍ രാജ് ആണ് സംഗീതം. ഡിഒപി ഷാജി കുമാര്‍.
