latest news
ഒരുപാട് പേരെ പ്രണയിച്ചിട്ടുണ്ട്: ഹണി റോസ്
മലയാളികള്‍ക്ക് ഏറെ പ്രിയങ്കരിയായ നടിയാണ് ഹണി റോസ്. വിനയന്‍ സംവിധാനം ചെയ്ത ബോയ് ഫ്രണ്ട് എന്ന സിനിമയിലൂടെ അഭിനയ രംഗത്തേക്ക് വന്ന ഹണി ‘മുതല്‍ കനവ്’ എന്ന സിനിമയിലൂടെയാണ് തമിഴിലും അരങ്ങേറ്റം കുറിക്കുന്നത്. മലയാളത്തില്‍ ട്രിവാന്‍ഡ്രം ലോഡ്ജ്, ഹോട്ടല്‍ കാലിഫോര്‍ണിയ തുടങ്ങിയ സിനിമകളിലെ പ്രകടനം ഏറെ ശ്രദ്ധ നേടി.
മലയാളത്തിന് പുറമെ തമിഴ്, കന്നഡ, തെലുങ്ക് ചിത്രങ്ങളിലും അഭിനയിച്ചിട്ടുള്ള താരം സമൂഹ മാധ്യമങ്ങളിലും സജീവമാണ്.
ഇപ്പോള്‍ പ്രണയത്തെക്കുറിച്ച് പറയുകയാണ് താരം. ലോകത്തിലെ തന്നെ ഏറ്റവും സുന്ദരമായ വികാരങ്ങളില്‍ ഒന്നാണ് പ്രണയം. പ്രണയിക്കാന്‍ എനിക്കും ഇഷ്ടമാണ്. ഒരുപാട് പ്രണയിച്ചിട്ടും ഉണ്ട്. പക്ഷേ ഇപ്പോള്‍ ഞാന്‍ സിംഗിളാണ് കേട്ടോ, ഹണി പറയുന്നു. തനിക്ക് എല്‍കെജിയില്‍ പഠിക്കുമ്പോള്‍ മുതല്‍ തന്നെ പലരോടും ക്രഷ് തോന്നിയിട്ടുണ്ട്. സ്‌കൂളില്‍ പഠിക്കുമ്പോഴും തോന്നിയിട്ടുണ്ട്. എന്നാല്‍ അന്നൊന്നും അതൊന്നും ആരോടും പറയുകയും ഇല്ല, അതിനുള്ള ധൈര്യവും ഇല്ല. പ്രണയലേഖനങ്ങള്‍ എഴുതാനും അത് ആര്‍ക്കെങ്കിലും കൊടുക്കാനുമൊക്കെ പേടിയായിരുന്നു. എന്നാല്‍ ഇന്നത്തെ കാലത്തെ കുട്ടികള്‍ക്ക് എല്ലാം എളുപ്പമായിരിക്കുകയാണ്’, ഹണി പറഞ്ഞു.
