latest news
പെണ്ണുകാണലിനോട് തനിക്ക് യോജിപ്പില്ല: നിഖില വിമല്‍
അഭിനയ മികവുകൊണ്ടും അഭിപ്രായ പ്രകടനങ്ങള്‍കൊണ്ടും മലയാളികളുടെ പ്രിയപ്പെട്ട താരമായി മാറിയ നടിയാണ് നിഖില. മലയാളത്തിന് പുറമെ തമിഴ്, തെലുങ്ക് ഭാഷകളിലെ ചിത്രങ്ങളിലും നിഖില തന്റെ സ്ഥാനമറിയിച്ചു കഴിഞ്ഞു.
ഭാഗ്യദേവത എന്ന ജയറാം ചിത്രത്തിലൂടെയാണ് നിഖിലയുടെ സിനിമ അരങ്ങേറ്റം. ലവ് 24×7ല്‍ ദിലീപിന്റെ നായികയായി രണ്ടാമത്തെ ചിത്രം. പിന്നീടിങ്ങോട്ട് ശ്രദ്ധേയമായ ഒരുപിടി നല്ല വേഷങ്ങള്‍ മലയാളികള്‍ക്ക് സമ്മാനിച്ച് മോളിവുഡില്‍ നിഖില തന്റെ സ്ഥാനമുറപ്പിച്ചു.
ഇപ്പോഴിതാ പെണ്ണുകാണലിനെക്കുറിച്ചും സ്ത്രീധനത്തെക്കുറിച്ചും മനസ് തുറക്കുകയാണ് നിഖില. ഞാന്‍ കരുതിയിരുന്നത് പെണ്ണു കാണുന്നതും ആദ്യ രാത്രി പാലുമായി പോകുന്നതുമൊക്കെ സിനിമയില്‍ മാത്രമുള്ളതാണെന്നാണ്. എന്റെ കസിന്‍സൊക്കെ കല്യാണം കഴിച്ചപ്പോഴും നൈറ്റിയൊക്കെ ഇട്ടു നില്‍ക്കുന്നതാണ് കണ്ടത്. അതിനാല്‍ ഇതൊക്കെ സിനിമയില്‍ മാത്രമുള്ളൊരു ബില്‍ഡപ്പാണെന്നാണ് കരുതിയിരുന്നത്. ഞാന്‍ പിന്തുണയ്ക്കുന്ന കാര്യമല്ല പെണ്ണുകാണല്‍. എന്റെ ചുറ്റുമുള്ളവര്‍ അധികവും പ്രേമിച്ച് കല്യാണം കഴിച്ചവരാണ്. പെണ്ണുകാണല്‍ ഞാന്‍ അധികം കണ്ടിട്ടില്ല എന്നും താരം പറയുന്നു.
