latest news
മോഹന്‍ലാല്‍ താടിയെടുക്കാത്തത് എന്തുകൊണ്ട്? കാരണം ഇതാണ്
കഴിഞ്ഞ കുറേ കാലമായി താടിയുള്ള മോഹന്‍ലാലിനെയാണ് നമ്മള്‍ സിനിമയിലും പുറത്തും കാണുന്നത്. മോഹന്‍ലാലിന്റെ എല്ലാ കഥാപാത്രങ്ങള്‍ക്കും താടിയുണ്ട്. ഇനി എന്നാണ് മോഹന്‍ലാല്‍ താടിയെടുക്കുക എന്ന ചോദ്യത്തിനു താരം തന്നെ ഉത്തരം നല്‍കിയിരിക്കുകയാണ്.
തുടര്‍ച്ചയായ സിനിമകളില്‍ താടി വയ്‌ക്കേണ്ടി വന്നതാണ് താടിയെടുത്തുള്ള സിനിമകള്‍ ചെയ്യാന്‍ പറ്റാത്തതിനു കാരണമെന്ന് മോഹന്‍ലാല്‍ പറഞ്ഞു. റാം, എംപുരാന്‍ എന്നീ സിനിമകള്‍ക്കെല്ലാം താടി ആവശ്യമാണ്. അതിനുശേഷം താടിയെടുത്തുള്ള ചിത്രങ്ങള്‍ നോക്കാമെന്നും മോഹന്‍ലാല്‍ പറഞ്ഞു. താടിയല്ലേ, എത്ര വടിച്ചാലും പിന്നെയും വളരുന്നതാണല്ലോ എന്നും ലാല്‍ പറഞ്ഞു.
മീശ പിരിച്ച സിനിമകള്‍ ചെയ്യാന്‍ അതിന്റേതായ കഥയും കഥാപാത്രവും വേണം. മലൈക്കോട്ടൈ വാലിബന്‍ വരുന്നുണ്ട്. അതില്‍ കുറച്ച് മീശ പിരിച്ചിട്ടാണെന്നും മോഹന്‍ലാല്‍ കൂട്ടിച്ചേര്‍ത്തു. നേര് സിനിമയുടെ പ്രൊമോഷന്‍ പരിപാടികള്‍ക്കിടെയാണ് മോഹന്‍ലാലിന്റെ പ്രതികരണം.
