latest news
രണ്ട് തവണ ജയിലില്‍ കിടന്നിട്ടുണ്ട്: ധര്‍മ്മജന്‍
Published on
പ്രേക്ഷകര്‍ക്ക് ഏറെ പ്രിയങ്കരനായ നടനാണ് ധര്‍മ്മജന്‍ ബോള്‍ഗാട്ടി. പ്രേക്ഷകരെ കുടുകുടെ ചിരിപ്പിച്ച ധര്‍മ്മജന്റെ കഥാപാത്രങ്ങള്‍ നിരവധിയാണ്. പിഷാരടിക്കൊപ്പം സ്റ്റേജിലും സിനിമാല എന്ന ഏഷ്യാനെറ്റിലെ പരിപാടിയും ഗംഭീര പ്രകടനം തന്നെയാണ് കാഴ്ച വെച്ചത്.
2010ല്‍ പുറത്തിറങ്ങിയ പാപ്പി അപ്പച്ച എന്ന ചിത്രത്തിലാണ് ആദ്യമായി അഭിനയിച്ചത്. പിന്നീട് ഓര്‍ഡിനറി, മൈ ബോസ്, സൗണ്ട് തോമ, അരികില്‍ ഒരാള്‍, പ്രേതം തുടങ്ങി നിരവധി ചിത്രങ്ങളില്‍ അഭിനിയിച്ചു.
താന്‍ ജയിലില്‍ കിടന്നിട്ടുണ്ട് എന്ന് പറയുകയാണ് ധര്‍ന്നജന്‍ ഇപ്പോള്‍. എട്ട് ദിവസം ജയിലില്‍ കിടക്കാനുള്ള യോഗമാണ് തനിക്കുണ്ടായതെന്ന് ധര്‍മജന്‍ പറയുന്നു. പാര്‍ട്ടി പ്രവര്‍ത്തനവുമായി ബന്ധപ്പെട്ട് കുടിവെള്ള സമരവുമായി വാട്ടര്‍ അതോറിറ്റിയെ ആക്രമിക്കുകയൊക്കെ ചെയ്ത കേസിലാണ് ഒരു തവണ ജയിലില്‍ കിടക്കേണ്ടി വന്നത് എന്നാണ് താരം പറയുന്നത്.
