latest news
ദുബായിലെ ആദ്യ ഡിജിറ്റല് ഗോള്ഡന് വിസ സ്വന്തമാക്കി ഹണി റോസ്
Published on
മലയാളികള്ക്ക് ഏറെ പ്രിയങ്കരിയായ നടിയാണ് ഹണി റോസ്. വിനയന് സംവിധാനം ചെയ്ത ബോയ് ഫ്രണ്ട് എന്ന സിനിമയിലൂടെ അഭിനയ രംഗത്തേക്ക് വന്ന ഹണി ‘മുതല് കനവ്’ എന്ന സിനിമയിലൂടെയാണ് തമിഴിലും അരങ്ങേറ്റം കുറിക്കുന്നത്. മലയാളത്തില് ട്രിവാന്ഡ്രം ലോഡ്ജ്, ഹോട്ടല് കാലിഫോര്ണിയ തുടങ്ങിയ സിനിമകളിലെ പ്രകടനം ഏറെ ശ്രദ്ധ നേടി.
മലയാളത്തിന് പുറമെ തമിഴ്, കന്നഡ, തെലുങ്ക് ചിത്രങ്ങളിലും അഭിനയിച്ചിട്ടുള്ള താരം സമൂഹ മാധ്യമങ്ങളിലും സജീവമാണ്.
ഇപ്പോള് ദുബായിയിലെ ആദ്യ ഡിജിറ്റല് ഗോള്ഡന് വിസ സ്വന്തമാക്കിയിരിക്കുകയാണ് ഹണി റോസ്. ദുബായിലെ മുന്നിര സര്ക്കാര് സേവന ദാതാക്കളായ ഇ.സി.എച്ച് ഡിജിറ്റല് ആസ്ഥാനത്ത് എത്തി സി.ഇ ഓ ഇഖ്ബാല് മാര്ക്കോണിയില് നിന്നും താരം യു.എ ഇ യുടെ പത്ത് വര്ഷ ഗോള്ഡന് വിസ ഏറ്റുവാങ്ങി.
