Gossips
അനുപമ പരമേശ്വരന്‍ പ്രണയത്തില്‍? ചൂടന്‍ ചര്‍ച്ച
Published on
പ്രേമം എന്ന സിനിമയിലൂടെ മലയാളികളുടെ മനസ് കീഴടക്കിയ നടിയാണ് അനുപമ പരമേശ്വരന്‍. അതില്‍ മേരി എന്ന കഥാപാത്രത്തെയാണ് താരം അവതരിപ്പിച്ചത്. പിന്നീട് അന്യ ഭാഷ ചിത്രങ്ങളില്‍ അടക്കം അഭിനയിക്കാന്‍ താരത്തിന് സാധിച്ചു.
സോഷ്യല്‍ മീഡിയയില്‍ സജീവ സാന്നിധ്യമാണ് അനുപമ. തന്റെ സ്‌റ്റൈലിഷ് ആന്റ് ഗ്ലാമറസ് ചിത്രങ്ങള്‍ താരം പങ്കുവെയ്ക്കാറുണ്ട്. 1996 ഫെബ്രുവരി 18 നാണ് അനുപമയുടെ ജനനം. താരത്തിനു ഇപ്പോള്‍ 26 വയസ്സുണ്ട്.
ഇപ്പോള്‍ അനുപമ പ്രണയത്തിലാണ് എന്ന വാര്‍ത്തകളാണ് പുറത്തുവരുന്നത്. തെലുങ്ക് സിനിമയിലെ മുന്‍നിര നായകനായ രാം പൊതിനേനിയും അനുപമയും പ്രണയത്തിലാണെന്നാണ് റിപ്പോര്‍ട്ടുകള്‍ പുറത്ത് വന്നത്. ഇരുവരും വിവാഹം കഴിക്കാന്‍ തീരുമാനിച്ചിരിക്കുകയാണെന്നും ഇതിനായി അനുപമയുടെ കുടുംബത്തിന്റെ സമ്മതത്തിനായി കാത്തിരിക്കുകയാണെന്നും റിപ്പോര്‍ട്ടുകള്‍ പറയുന്നു.
