latest news
അവരുടെ ഉദ്ദേശങ്ങള്‍ നടക്കാതായതോടെയാണ് എന്നെക്കുറിച്ച് ഇല്ലാത്ത കാര്യങ്ങള്‍ പ്രചരിപ്പിച്ചത്: മീര ജാസ്മിന്‍
മലയാളികള്‍ക്ക് ഏറെ പ്രിയങ്കരിയായ നടിയാണ് മീര ജാസ്മിന്‍. ആറ് വര്‍ഷത്തെ ഇടവേളയ്ക്ക് ശേഷം സിനിമയില്‍ തിരിച്ചെത്തിയിരിക്കുകയാണ് മീര. സത്യന്‍ അന്തിക്കാട് സംവിധാനം ചെയ്ത മകള്‍ എന്ന ചിത്രത്തില്‍ ജയറാമിന്റെ നായികയായാണ് മീരയുടെ മടങ്ങിവരവ്.
സൂത്രധാരന്‍ എന്ന ലോഹിതദാസ് ചിത്രത്തിലൂടെയായിരുന്നു മീര ജാസ്മിന്റെ തുടക്കം. പിന്നീട് മീരയെ തേടിയെത്തിയത് എല്ലാം മികച്ച വേഷങ്ങള്‍ തന്നെയായിരുന്നു. പിന്നീട് മലയാളത്തില്‍ നിന്നും തമിഴിലേക്കും താരം കടന്നു.
എന്നാല്‍ വളരെ പെട്ടെന്ന് തന്നെ താരത്തിന് സിനിമാ ലോകത്തു നിന്നും വിട്ടു നില്‍ക്കേണ്ടി വന്നു. നടിക്കെതിരെ മലയാള സിനിമാ രംഗത്ത് നിന്നും ഒന്നിലേറെ ആരോപണങ്ങള്‍ വന്നതായിരുന്നു ഇതിന് കാരണം. മീര സെറ്റില്‍ അച്ചടക്കം പാലിച്ചില്ല, ഷൂട്ടിം?ഗിന് വൈകിയെത്തി എന്നിങ്ങനെയായിരുന്നു ആക്ഷേപങ്ങള്‍. എന്നാല്‍ ഈ ആരോപണങ്ങള്‍ക്ക് മറുപടി നല്‍കുകയാണ് താരം. അച്ചടക്കം പാലിക്കാത്ത കുട്ടിയല്ല ഞാന്‍. എന്നെ അച്ചടക്കത്തോടെയാണ് മാതാപിതാക്കള്‍ വളര്‍ത്തിയത്. മോശമായി പെരുമാറാന്‍ വന്നാല്‍ ഞാന്‍ റിയാക്ട് ചെയ്യും. അവരുടെ ഉദ്ദേശങ്ങള്‍ നടക്കാതായതോടെയാണ് ഇല്ലാത്ത കാര്യങ്ങള്‍ പറഞ്ഞ് പ്രചരിപ്പിച്ചത് എന്നും മീര പറയുന്നു.
