latest news
ബിഗ്‌ബോസ് എനിക്കൊരു ട്രോമയാണ്: ആര്യ ബാബു
Published on
ടെലിവിഷന്‍ അവതാരക, അഭിനയേത്രി എന്നീ നിലകളിലെല്ലാം എല്ലാവര്‍ക്കും പ്രിയപ്പെട്ട താരമാണ് ആര്യ ബാബു. ബഡായി ബംഗ്ലാവ് എന്ന ഏഷ്യാനെറ്റിലെ പരിപാടിയാണ് ആര്യയെ കൂടുതല്‍ ശ്രദ്ധേയമാക്കിയത്. പിന്നീട് ആര്യ ബഡായി എന്ന പേരില്‍ അറിയപ്പെടാന്‍ തുടങ്ങി.
മോഡലിംഗിലൂടെയാണ് ആര്യ അഭിനയ രംഗത്തേക്ക് എത്തുന്നത്. ജനപ്രിയ റിയാലിറ്റി ഷോയായ ബിഗ് ബോസ് മലയാളത്തിന്റെ രണ്ടാം പതിപ്പിലെ ഒരു മത്സരാര്‍ത്ഥി കൂടിയായിരുന്നു ആര്യ. താരത്തിന്റെ ബിഗ് ബോസിലെ പ്രകടനവും ഏറെ പ്രശംസ പിടിച്ചു പറ്റിയിരുന്നു.
ഇപ്പോള്‍ ബിഗ്‌ബോസിനെക്കുറിച്ച് സംസാരിക്കുകയാണ് താരം. ബിഗ്‌ബോസ് തനിക്കൊരു ട്രോമയാണ്. അതിന് ശേഷം തന്റെ ജീവിതം ആകെ മാറി. കാമുകനുമായി ബ്രേക്കപ്പായി. താന്‍ വലിയ ഡിപ്രഷനിലേക്ക് പോയി എന്നും താരം പറയുന്നു.
