latest news
സുഖമാണോ എന്ന് ചോദിച്ച് വിളിക്കുന്നവര്‍ എല്ലാം പോയി: സലിം കുമാര്‍
കോമഡിയിലൂടെ വേദികള്‍ കീഴടക്കി സിനിമയില്‍ എത്തിയ താരമാണ് സലിം കുമാര്‍.. സലിംകുമാര്‍ തന്റെ മിമിക്രി ജീവിതം ആരംഭിച്ചത് കൊച്ചിന്‍ കലാഭവനിലാണ്. പിന്നീട് ഇദ്ദേഹം കൊച്ചിന്‍ സാഗര്‍ എന്ന മിമിക്രി ഗ്രൂപ്പില്‍ ചേര്‍ന്നു.
ഇഷ്ടമാണ് നൂറു വട്ടം എന്ന സിനിമയാണ് ഇദ്ദേഹത്തിന്റെ ആദ്യ ചിത്രം. ലാല്‍ ജോസ് സംവിധാനം ചെയ്ത അച്ഛനുറങ്ങാത്ത വീട് എന്ന ചിത്രത്തിലെ നായക കഥാപാത്രം സലിംകുമാറിന്റെ അഭിനയശേഷി വിളിച്ചോതുന്നതായിരുന്നു.ഈ ചിത്രത്തിലെ അഭിനയത്തിന് കേരള സര്‍ക്കാരിന്റെ രണ്ടാമത്തെ മികച്ചനടനുള്ള പുരസ്‌കാരം സലീം കുമാറിനു ലഭിച്ചു. ആദാമിന്റെ മകന്‍ അബു എന്ന ചിത്രത്തിലെ അഭിനയത്തിനു 2010ലെ മികച്ച നടനുള്ള ദേശീയപുരസ്‌കാരവും, 2010ലെ മികച്ച നടനുള്ള കേരളസംസ്ഥാന ചലച്ചിത്രപുരസ്‌കാരവും ലഭിച്ചു.
ഇപ്പോള്‍ പ്രിയപ്പെട്ട സഹപ്രവര്‍ത്തകരുടെ വേര്‍പാടിനെക്കുറിച്ച് സംസാരിക്കുകയാണ് അദ്ദേഹം. സുഖമാണോ എന്ന് ചോദിച്ച് വിളിക്കുന്നവര്‍ എല്ലാം ഈ ലോകത്തു നിന്നും പോയി. അതില്‍ ഏറ്റവും വേദന ഉണ്ടാക്കിയത് ഇന്നസെന്റ്, കെപിഎസി ലളിത, നെടുമുടി വേണു എന്നിവരുടെ മരണമാണ് എന്നും സലിം കുമാര്‍ പറയുന്നു.
