latest news
ആദ്യമായി പ്രണയ ലേഖനം കിട്ടിയപ്പോള്‍ പേടിച്ച് പോയി: നമിത
Published on
മലയാളികള്‍ക്ക് ഏറെ പ്രിയങ്കരിയായ നടിയാണ് നമിത പ്രമോദ്. തന്റെ 15ാംവയസില്‍ മലയാളത്തിലെ എക്കാലത്തെയും ഹിറ്റ് ചിത്രങ്ങളില്‍ ഒന്നായ ട്രാഫിക്കിലൂടെയാണ് നമിത പ്രമോദിന്റെ സിനിമ അരങ്ങേറ്റം. തൊട്ടടുത്ത വര്‍ഷം പുതിയ തീരങ്ങളില്‍ ലീഡ് റോളിലും താരം കലക്കന്‍ പെര്‍ഫോമന്‍സാണ് കാഴ്ചവെച്ചത്.
പുള്ളിപുലികളും ആട്ടിന്‍കുട്ടിയും, വിക്രമാദിത്യന്‍, ഓര്‍മയുണ്ടോ ഈ മുഖം, ചന്ദ്രേട്ടന്‍ എവിടെയാ, അമര്‍ അക്ബര്‍ അന്തോണി, ഈശോ എന്നിവയാണ് താരത്തിന്റെ മറ്റ് ശ്രദ്ധേയമായ സിനിമകള്‍.
ഇപ്പോള്‍ പ്രണയത്തെക്കുറിച്ച് പറയുകയാണ് താരം. പ്ലസ് വണ്ണിന് പഠിക്കുമ്പോള്‍ ലൊക്കേഷനില്‍ വെച്ചാണ് ആദ്യ പ്രണയ ലേഖനം കിട്ടിയത്. അപ്പോള്‍ പേടിച്ചു പോയി. പിന്നെ പ്രായമുള്ളവരൊക്കെയാണ് ഇന്‍സ്റ്റഗ്രാമില്‍ ഇത്തരത്തില്‍ മെസേജുകള്‍ അയക്കുന്നത് എന്നും താരം പറയുന്നു.
