latest news
മിന്നല്‍ മുരളിയെ മലര്‍ത്തിയടിക്കുമോ പറക്കും പപ്പന്‍? ദിലീപിന്റെ സൂപ്പര്‍ഹീറോ ചിത്രം വരുന്നു
Published on
ദിലീപ് നായകനായെത്തുന്ന പറക്കും പപ്പന്റെ ഷൂട്ടിങ് ഈ വര്‍ഷം തുടങ്ങും. മിന്നല്‍ മുരളിക്ക് ശേഷം മലയാളത്തില്‍ പിറക്കാന്‍ പോകുന്ന മറ്റൊരു സൂപ്പര്‍ ഹീറോ ചിത്രമാണ് പറക്കും പപ്പന്‍. വിയാന്‍ വിഷ്ണുവാണ് ചിത്രം സംവിധാനം ചെയ്യുന്നത്. 2024 ല്‍ ചിത്രം തിയറ്ററുകളിലെത്തിക്കാനാണ് ആലോചന.
കഴിഞ്ഞ വര്‍ഷം ദിലീപ് തന്റെ സോഷ്യല്‍ മീഡിയ പേജിലൂടെ പറക്കും പപ്പന്റെ പോസ്റ്റര്‍ പുറത്തുവിട്ടിരുന്നു. ഒരു ലോക്കല്‍ സൂപ്പര്‍ ഹീറോ എന്നാണ് പോസ്റ്ററില്‍ നല്‍കിയിരിക്കുന്ന ടാഗ് ലൈന്‍.
2018 ക്രിസ്മസ് ദിനത്തിലാണ് പറക്കും പപ്പന്‍ പ്രഖ്യാപിച്ചത്. എന്നാല്‍ പല കാരണങ്ങളാല്‍ പിന്നീട് ചിത്രം നീണ്ടുപോകുകയായിരുന്നു. ദിലീപിന്റെ ഉടമസ്ഥതയിലുള്ള ഗ്രാന്‍ഡ് പ്രൊഡക്ഷന്‍സും കാര്‍ണിവല്‍ മോഷന്‍ പിക്‌ചേഴ്‌സും ചേര്‍ന്നുള്ള ആദ്യ നിര്‍മാണ സംരഭം കൂടിയാണ് പറക്കും പപ്പന്‍. റാഫിയാണ് തിരക്കഥ.
