Gossips
അറിയാതെ വായില്‍ നിന്ന് വന്നുപോയി, ഇനി പോരുമാറ്റുന്നില്ല: മമ്മൂട്ടി
Published on
തന്റെ പുതിയ സിനിമയുടെ പേര് അറിയാതെ വെളിപ്പെടുത്തിയതാണെന്ന് മമ്മൂട്ടി. ഒരു തമിഴ് മാധ്യമത്തിനു നല്‍കിയ അഭിമുഖത്തിലാണ് മമ്മൂട്ടി താന്‍ അഭിനയിക്കുന്ന പുതിയ ചിത്രത്തെ കുറിച്ച് വെളിപ്പെടുത്തിയത്. കണ്ണൂര്‍ സ്‌ക്വാഡ് എന്നാണ് ചിത്രത്തിന്റെ പേരെന്ന് മമ്മൂട്ടി പറഞ്ഞിരുന്നു.
‘ അറിയാതെ വായില്‍ നിന്നു വന്നുപോയതാണ്. കണ്ണൂര്‍ സ്‌ക്വാഡ് ! ഔദ്യോഗിക പ്രഖ്യാപനമൊന്നും ആയിട്ടില്ല. ഇനിയിപ്പോ എന്തായാലും പേരൊന്നും മാറ്റാന്‍ ഉദ്ദേശമില്ല’ മമ്മൂട്ടി പറഞ്ഞു. മമ്മൂട്ടി കമ്പനി തന്നെയാണ് ചിത്രം നിര്‍മിക്കുന്നത്.
Mammootty
നവാഗതനായ റോബി വര്‍ഗീസ് രാജാണ് ചിത്രം സംവിധാനം ചെയ്യുന്നത്. റോണി ഡേവിഡ് രാജിന്റേതാണ് തിരക്കഥ. മമ്മൂട്ടി കമ്പനി നിര്‍മിക്കുന്ന നാലാമത്തെ ചിത്രമാണ് കണ്ണൂര്‍ സ്‌ക്വാഡ്. സുഷിന്‍ ശ്യാമാണ് സംഗീതം.
