Gossips
ഒപ്പം കിടന്നാല്‍ അവസരം നല്‍കാമെന്ന് ഒരു സംവിധായകന്‍ പറഞ്ഞു; ദുരനുഭവം പങ്കുവെച്ച് യാഷിക
സിനിമയില്‍ കാസ്റ്റിങ് കൗച്ച് എന്ന ദുരനുഭവം നേരിടേണ്ടി വന്നിട്ടുള്ള നടിമാര്‍ വളരെ അധികമാണ്. പല മുന്‍നിര സംവിധായകരില്‍ നിന്നും നിര്‍മാതാക്കളില്‍ നിന്നും തങ്ങള്‍ക്ക് മോശം അനുഭവം നേരിട്ടിട്ടുണ്ടെന്ന് പല നടിമാരും വെളിപ്പെടുത്തിയിട്ടുണ്ട്. നടി യാഷിക ആനന്ദ് അത്തരത്തില്‍ നടത്തിയ ഒരു തുറന്നുപറച്ചിലാണ് ഇപ്പോള്‍ സോഷ്യല്‍ മീഡിയയില്‍ വൈറലായിരിക്കുന്നത്.
തമിഴിലെ ഒരു മുന്‍നിര സംവിധായകന്‍ തന്നെ മോശം രീതിയില്‍ സമീപിച്ചിട്ടുണ്ടെന്ന് യാഷിക പറയുന്നു. കിടക്ക പങ്കിട്ടാല്‍ അവസരം നല്‍കാമെന്ന് ഈ സംവിധായകന്‍ പറഞ്ഞു. ഇത്തരത്തില്‍ സഹകരിക്കുന്നവര്‍ക്ക് സിനിമയില്‍ അവസരങ്ങള്‍ വാരിക്കോരി കിട്ടുമെന്നാണ് താരം പറയുന്നത്.
തമിഴിലെ ഒരു മുന്‍നിര സംവിധായകന്‍ തനിക്കൊപ്പം കിടക്ക പങ്കിട്ടാല്‍ അവസരം നല്‍കാമെന്ന് എന്നോടു പറഞ്ഞു. മാനവും അഭിമാനവും പണയംവെച്ച് അഭിനയിക്കേണ്ട ആവശ്യം എനിക്കില്ലെന്ന് ഞാന്‍ അപ്പോള്‍ തന്നെ അയാള്‍ക്ക് മറുപടി നല്‍കി. അന്ന് തനിക്കുണ്ടായ മാനസിക വിഷമത്തില്‍ നിന്ന് പിന്നീട് മോചനം ലഭിച്ചു. മാത്രമല്ല അയാളില്‍ നിന്ന് പിന്നീട് അത്തരത്തിലൊരു സമീപനം ഉണ്ടായിട്ടില്ലെന്നും അതുകൊണ്ടാണ് പേര് വെളിപ്പെടുത്താത്തതെന്നും യാഷിക പറഞ്ഞു.
