Gossips
റോഷാക്ക് സ്ലോ പേസ് ചിത്രമെന്ന് മമ്മൂട്ടി; അങ്ങനെയല്ലെന്ന് ജഗദീഷ്
കെട്ട്യോളാണ് എന്റെ മാലാഖയ്ക്ക് ശേഷം നിസാം ബഷീര്‍ സംവിധാനം ചെയ്യുന്ന ചിത്രമാണ് റോഷാക്ക്. മമ്മൂട്ടിയാണ് ചിത്രത്തില്‍ കേന്ദ്ര കഥാപാത്രത്തെ അവതരിപ്പിക്കുന്നത്. ഒക്ടോബര്‍ ഏഴിനാണ് റോഷാക്ക് തിയറ്ററുകളിലെത്തുക.
റോഷാക്കിനെ കുറിച്ച് മമ്മൂട്ടി പറഞ്ഞ വാക്കുകളാണ് ഇപ്പോള്‍ സോഷ്യല്‍ മീഡിയയില്‍ വൈറലായിരിക്കുന്നത്. റോഷാക്ക് ഒരു സ്ലോ പേസ് ത്രില്ലര്‍ ചിത്രമായിരിക്കുമെന്നാണ് മമ്മൂട്ടി പറയുന്നത്. എന്നാല്‍ റോഷാക്കില്‍ അഭിനയിച്ച ജഗദീഷിന് മറ്റൊരു അഭിപ്രായമാണ്. മമ്മൂക്ക പറയുന്ന പോലെ ഒരു സ്ലോ പേസ് പടമാണ് റോഷാക്കെന്ന് തനിക്ക് തോന്നുന്നില്ലെന്നാണ് ജഗദീഷ് പറയുന്നത്.
Rorschach
എന്തായാലും റോഷാക്കിന് വേണ്ടിയുള്ള കാത്തിരിപ്പിലാണ് ആരാധകര്‍. നിഗൂഢത നിറഞ്ഞ റോഷാക്കിന്റെ പോസ്റ്ററുകളും ട്രെയ്‌ലറും ഇതിനോടകം ശ്രദ്ധിക്കപ്പെട്ടിട്ടുണ്ട്. സൈക്കോളജിക്കല്‍ ത്രില്ലര്‍ ആയിരിക്കും റോഷാക്ക് എന്നാണ് പുറത്തുവരുന്ന റിപ്പോര്‍ട്ടുകള്‍.
