latest news
മലയാളത്തിന്റെ ഭാഗ്യതാരമാണോ കല്യാണി? ബ്ലോക്ക്ബസ്റ്ററുകളുടെ രാജകുമാരി
മലയാള സിനിമയിലെ ഒഴിച്ചുകൂടാനാവാത്ത താരസാന്നിധ്യമാകുകയാണ് കല്യാണി പ്രിയദര്‍ശന്‍. തനിക്ക് ലഭിക്കുന്ന കഥാപാത്രങ്ങളെ മനോഹരമാക്കിയാണ് കല്യാണി ആരാധകരുടെ മനംകവരുന്നത്. അഭിനയം കൊണ്ട് മാത്രമല്ല ബോക്‌സ്ഓഫീസിലും താരം തന്റെ കഴിവ് തെളിയിച്ചിരിക്കുന്നു.
ഈ വര്‍ഷം കല്യാണിയുടേതായി തിയറ്ററുകളില്‍ റിലീസ് ചെയ്തത് രണ്ട് സിനിമകളാണ്. അത് രണ്ടും തിയറ്ററുകളില്‍ ബ്ലോക്ബസ്റ്റര്‍ ഹിറ്റുകള്‍ ! തിയറ്ററുകള്‍ കടുത്ത സാമ്പത്തിക പ്രതിസന്ധികളിലൂടെ കടന്നുപോകുന്ന സമയത്താണ് ഈ രണ്ട് സിനിമകളും എത്തിയതെന്നതും മറ്റൊരു കാര്യം.
വിനീത് ശ്രീനിവാസന്‍ സംവിധാനം ചെയ്ത ഹൃദയം, ഖാലിദ് റഹ്മാന്‍ സംവിധാനം ചെയ്ത തല്ലുമാല എന്നിവയാണ് കല്യാണിയുടേതായി ഈ വര്‍ഷം തിയറ്ററുകളില്‍ റിലീസ് ചെയ്തത്. രണ്ട് ചിത്രങ്ങളും ബ്ലോക്ക്ബസ്റ്റര്‍ ഹിറ്റുകളായി. ഇതോടെ തിയറ്ററുകളിലെ ഭാഗ്യതാരമായിരിക്കുകയാണ് കല്യാണി. ഹൃദയത്തില്‍ പ്രണവ് മോഹന്‍ലാലിന്റേയും തല്ലുമാലയില്‍ ടൊവിനോയുടേയും നായികയായാണ് കല്യാണി തിളങ്ങിയത്.
