latest news
ചാക്കുകൊണ്ടൊരു കുപ്പായം; വീണ്ടും ആരാധകരെ ഞെട്ടിച്ച് ബിഗ് ബോസ് താരം
ഹിന്ദി ടെലിവിഷൻ പ്രേക്ഷകർക്ക് സുപരിചിതമായ പേരുകളിൽ ഒന്നാണ് ഉർഫി ജാവേദ്. അഭിനേത്രിയെന്ന നിലയിലും സോഷ്യൽ മീഡിയ ഇൻഫ്ലുവൻസറായും അറിയപ്പെടുന്ന ഉർഫി ജാവേദ് കഴിഞ്ഞ വർഷം നടന്ന ബിഗ് ബോസ് ഒടിടി ആദ്യ സീസണിലെ മത്സരാർത്ഥി കൂടിയാണ്.
വ്യത്യസ്തമായ വസ്ത്ര ധാരണ രീതികളിലൂടെ എന്നും വാർത്തകളിൽ ഇടം പിടിക്കാറുള്ള താരം ഇത്തവണയും പതിവ് തെറ്റിച്ചില്ല. ചണ ചാക്കുകൊണ്ടൊരു കുപ്പായം. താരത്തിന്റെ ഇൻസ്റ്റാഗ്രാം റീൽ ഏറ്റെടുത്തിരിക്കുകയാണ് ആരാധകർ.
ഉത്തർപ്രദേശുകാരിയായ ഉർഫി ടെലിവിഷൻ സീരിയലുകളിലൂടെയാണ് താരമാകുന്നത്. 2016ൽ സംപ്രേഷണം ചെയ്ത ബേഡ് ഭയ്യാ കി ദുൽഹനിയയാണ് ഈ 24കാരിയുടെ അരങ്ങേറ്റ സീരിയിൽ. പിന്നീട് വ്യത്യസ്ത ചാനലുകളിലായി പല സീരിയലുകളിൽ നിരവധി കഥാപാത്രങ്ങൾക്ക് ഉർഫി ജീവൻ നൽകി.
സിറ്റി മോണ്ടോസറി സ്കൂളിലെ പ്രാഥമിക വിദ്യാഭ്യാസത്തിന് ശേഷം അമിറ്റി യൂണിവേഴ്സിറ്റിയിൽ നിന്ന് മാസ് കമ്മ്യൂണിക്കേഷനിൽ ഉർഫി ജാവേദ് ബിരുദവും കരസ്ഥമാക്കിയിട്ടുണ്ട്. അഭിനയത്തിന് പുറമെ മോഡലിങ്ങിലും സജീവമാണ് താരം.
