Gossips
ജന ഗണ മനയെ പിന്നിലാക്കി സേതുരാമയ്യര്‍; സിബിഐ 5 – ദ ബ്രെയ്ന്‍ ബോക്‌സ്ഓഫീസ് കളക്ഷന്‍ പുറത്ത്
Published on
റിലീസ് ചെയ്ത് ആദ്യ ദിനങ്ങളില്‍ ബോക്‌സ്ഓഫീസില്‍ മികച്ച പ്രതികരണവുമായി സിബിഐ 5 – ദ ബ്രെയ്ന്‍. ശരാശരി അഭിപ്രായമാണ് സിനിമയ്ക്ക് കേള്‍ക്കുന്നത്. ഈ സമ്മിശ്ര പ്രതികരണങ്ങള്‍ക്കിടയിലും ബോക്‌സ്ഓഫീസില്‍ ശക്തി തെളിയിച്ചിരിക്കുകയാണ് അയ്യര്‍.
മികച്ച പ്രതികരണം നേടി മുന്നേറുന്ന പൃഥ്വിരാജ് ചിത്രം ജന ഗണ മനയെ ബോക്‌സ്ഓഫീസ് കളക്ഷന്റെ കാര്യത്തില്‍ സിബിഐ 5 – ദ ബ്രെയ്ന്‍ മറികടന്നതായാണ് പുറത്തുവരുന്ന റിപ്പോര്‍ട്ടുകള്‍. ആദ്യ മൂന്ന് ദിവസം കൊണ്ട് വേള്‍ഡ് വൈഡായി സിബിഐ വാരിക്കൂട്ടിയത് 26 കോടിയാണ് ! ജന ഗണ മനയുടെ ആദ്യ മൂന്ന് ദിവസത്തെ കളക്ഷന്‍ 20 കോടിയും.
ജിസിസിയിലാണ് സിബിഐ 5 മികച്ച രീതിയില്‍ മുന്നോട്ടു പോകുന്നത്. പെരുന്നാള്‍ പ്രമാണിച്ച് എല്ലാ കേന്ദ്രങ്ങളിലും നല്ല തിരക്കുണ്ട്. എസ്.എന്‍.സ്വാമിയുടെ തിരക്കഥയില്‍ കെ.മധുവാണ് സിബിഐ 5 സംവിധാനം ചെയ്തിരിക്കുന്നത്.
