മോഹന്‍ലാല്‍ നില്‍ക്കുകയാണെങ്കില്‍ അഭിനയിക്കില്ലെന്ന് തെലുങ്ക് സൂപ്പര്‍സ്റ്റാര്‍; കാരണം ഇതാണ്

മലയാളത്തിന്റെ സ്വകാര്യ അഹങ്കാരമാണ് മോഹന്‍ലാല്‍. മലയാളത്തിനു പുറമേ മറ്റ് ഭാഷകളിലും മോഹന്‍ലാലിന് വലിയ ആരാധകരുണ്ട്. വര്‍ഷങ്ങള്‍ക്ക് മുന്‍പ് കാക്കക്കുയില്‍ എന്ന സിനിമയുടെ ഷൂട്ടിങ്ങിനായി ഹൈദരബാദ് പോയപ്പോള്‍ ഒരു തെലുങ്ക് സൂപ്പര്‍സ്റ്റാറിന്റെ സിനിമയുടെ സെറ്റിലേക്ക് താനും ലാലും പോയ സംഭവത്തെ കുറിച്ച് മുകേഷ് ഒരിക്കല്‍ വെളിപ്പെടുത്തിയിട്ടുണ്ട്.

Mohanlal in Sagar Alias Jacky

കാക്കക്കുയിലിന്റെ ഷൂട്ടിങ്ങിനായി ഹൈദരബാദില്‍ പോയി. തൊട്ടപ്പുറത്തെ സെറ്റില്‍ ഒരു തെലുങ്ക് സിനിമയുടെ ഷൂട്ടിങ് നടക്കുന്നുണ്ട്. തെലുങ്കിലെ ഒരു സൂപ്പര്‍സ്റ്റാറാണ് അതില്‍ അഭിനയിക്കുന്നത്. ഞാനും ലാലും അവിടെ ഷൂട്ടിങ് കാണാന്‍ പോയി. ഒരു ഷോട്ട് എടുക്കുന്നത് കണ്ടിട്ട് പോകാമെന്ന് ലാല്‍ പറഞ്ഞു. പക്ഷേ, അവര്‍ ഷോട്ട് എടുക്കുന്നില്ല. 15 മിനിറ്റൊക്കെ കഴിഞ്ഞു. അങ്ങനെ നില്‍ക്കുമ്പോള്‍ പ്രൊഡക്ഷനിലെ ഒരു പയ്യന്‍ വന്ന് കാര്യം പറഞ്ഞു. മോഹന്‍ലാല്‍ നില്‍ക്കുമ്പോള്‍ തെലുങ്ക് സൂപ്പര്‍സ്റ്റാര്‍ അഭിനയിക്കില്ലെന്ന്. അദ്ദേഹത്തിനു മോഹന്‍ലാലിന്റെ മുന്നില്‍ അഭിനയിക്കാന്‍ നാണമാണ്. ലാല്‍ നില്‍ക്കുമ്പോള്‍ അഭിനയിക്കാന്‍ ആ താരത്തിനു കോണ്‍ഫിഡന്‍സ് പോരാ. അതുകണ്ട് മലയാളി എന്ന നിലയില്‍ തനിക്ക് വലിയ അഭിമാനം തോന്നിയിട്ടുണ്ടെന്നും മുകേഷ് പറഞ്ഞു.

സിനിമ ഏതെന്നോ താരം ഏതെന്നോ വെളിപ്പെടുത്താന്‍ മുകേഷ് തയ്യാറായില്ല.