latest news
പൊട്ടിക്കരഞ്ഞ് സഹോദരനെ യാത്രയാക്കി ബിന്ദു പണിക്കര്‍; ഈ ദൃശ്യങ്ങള്‍ ആരേയും വേദനിപ്പിക്കും
വാഹനാപകടത്തില്‍ മരിച്ച സഹോദരന്‍ എം.ബാബുരാജിന് വിടചൊല്ലി നടി ബിന്ദു പണിക്കര്‍. ബൈക്കില്‍ സഞ്ചരിക്കവേ അജ്ഞാത വാഹനമിടിച്ചാണ് ബാബുരാജ് മരിച്ചത്. വാഹനാപകടത്തില്‍ ഗുരുതരമായി പരുക്കേറ്റ ബാബുരാജ് ആശുപത്രിയില്‍ ചികിത്സയിലായിരുന്നു.
സഹോദരന്റെ ജീവനറ്റ ശരീരം കാണാന്‍ നെഞ്ചു തകര്‍ന്നാണ് ബിന്ദു പണിക്കര്‍ എത്തിയത്. സഹോദരന്റെ മൃതദേഹം കണ്ട് പൊട്ടിക്കരയുന്ന ബിന്ദു പണിക്കരുടെ ചിത്രങ്ങളും വീഡിയോയുമാണ് ഇപ്പോള്‍ സോഷ്യല്‍ മീഡിയയുടെ നെഞ്ച് തകര്‍ക്കുന്നത്. സഹോദരനുമായി അത്രമേല്‍ ആത്മബന്ധം ബിന്ദുവിനുണ്ടായിരുന്നു.
Bindhu Panicker
കഴിഞ്ഞ വ്യാഴാഴ്ച രാത്രിയാണ് അപകടം സംഭവിച്ചത്. രാത്രി ജോലി കഴിഞ്ഞ് മടങ്ങുമ്പോഴാണ് വരാപ്പുഴ പാലത്തില്‍ വച്ച് ബാബുരാജിനെ അജ്ഞാത വാഹനം ഇടിച്ചിട്ടത്. തലയ്ക്കു ഗുരുതരമായി പരിക്കേറ്റ ബാബുരാജിനെ പിന്നാലെ വന്ന കുടുംബം ചേരാനല്ലൂര്‍ ആശുപത്രിയില്‍ പ്രവേശിപ്പിക്കുകയായിരുന്നു. ഇന്നലെ രാവിലെ മരിച്ചു.
