Gossips
റണ്‍ബീറിന്റേയും ആലിയയുടേയും വിവാഹം 14 ന്; ക്ഷണം അടുത്ത ബന്ധുക്കള്‍ക്കും സുഹൃത്തുക്കള്‍ക്കും മാത്രം
Published on
ബോളിവുഡ് സിനിമാലോകം കാത്തിരിക്കുന്ന താരവിവാഹത്തിനു ഇനി അഞ്ച് നാള്‍ കൂടി. ഈ മാസം 14 നാണ് റണ്‍ബീര്‍ കപൂറും ആലിയ ഭട്ടും തമ്മില്‍ വിവാഹിതരാകുന്നത്.
ഏപ്രില്‍ 13 ന് രാത്രി മെഹന്ദി ചടങ്ങുകള്‍ നടക്കും. നാല് ദിവസം നീണ്ടുനില്‍ക്കുന്ന വിവാഹ ആഘോഷ പരിപാടികളാണ് റണ്‍ബീറിന്റെ ബാന്ദ്രയിലെ വീട്ടില്‍ നടക്കുക.
Alia Bhatt and Ranbir Kapoor
അടുത്ത ബന്ധുക്കള്‍ക്കും സുഹൃത്തുക്കള്‍ക്കും മാത്രമാണ് വിവാഹ ആഘോഷ പരിപാടികളിലേക്ക് ക്ഷണമുള്ളത്. സംവിധായകന്‍ കരണ്‍ ജോഹര്‍, ഷാരുഖ് ഖാന്‍, സഞ്ജയ് ലീല ബന്‍സാലി, ആകാന്‍ഷ രഞ്ജന്‍, അനുഷ്‌ക രഞ്ജന്‍, രോഹിത് ധവാന്‍, വരുണ്‍ ധവാന്‍, സോയ അക്തര്‍ തുടങ്ങിയ പ്രമുഖരുടെ നീണ്ടനിര വിവാഹത്തില്‍ പങ്കെടുക്കേണ്ടവരുടെ ലിസ്റ്റില്‍ ഉണ്ടാകും എന്നാണ് കേള്‍ക്കുന്നത്.
