76-ാം വയസ്സിലും തകർത്തടിച്ച് സമർ ഖാൻ! ശരത് സക്സേനയുടെ ഫിറ്റ്നസ് രഹസ്യം വൈറൽ

പ്രായം വെറുമൊരു അക്കം മാത്രമാണെന്ന് വീണ്ടും തെളിയിക്കുകയാണ് ഇന്ത്യൻ സിനിമയിലെ എക്കാലത്തെയും കരുത്തുറ്റ നടൻ ശരത് സക്സേന. മലയാളികൾക്ക് ‘കിലുക്കം കിലുകിലുക്കം’ എന്ന ചിത്രത്തിലെ ‘സമർ ഖാൻ’ എന്ന ഭീകര കഥാപാത്രത്തിലൂടെ സുപരിചിതനായ അദ്ദേഹം, 76-ാം വയസ്സിലും കാത്തുസൂക്ഷിക്കുന്ന അപാരമായ ശാരീരിക ഫിറ്റ്നസ് ആണ് ഇപ്പോൾ സോഷ്യൽ മീഡിയയിൽ പ്രധാന ചർച്ചാവിഷയം.

പതിനാലാം വയസ്സിൽ വ്യായാമം ആരംഭിച്ച ശരത് സക്സേന ഇന്നും അത് മുടങ്ങാതെ കൊണ്ടുപോകുന്നുണ്ട്. അടുത്തിടെ ശസ്ത്രക്രിയയ്ക്ക് വിധേയനായ അദ്ദേഹം, തൊട്ടടുത്ത ദിവസം തന്നെ ജിമ്മിലേക്ക് തിരിച്ചെത്താൻ കാണിച്ച ആവേശം ആരാധകരെ അത്ഭുതപ്പെടുത്തിയിരുന്നു.

പ്രായത്തെ വെല്ലുന്ന ഈ അച്ചടക്കവും കഠിനാധ്വാനവും പുതുതലമുറയ്ക്ക് വലിയൊരു പ്രചോദനമാണ് നൽകുന്നത്. സിനിമയിലെ വില്ലൻ വേഷങ്ങളിലൂടെ ശ്രദ്ധേയനായ താരം യഥാർത്ഥ ജീവിതത്തിൽ തന്റെ ഫിറ്റ്നസ് കൊണ്ട് ഒരു ഹീറോയായി തുടരുകയാണ്.