ജയിലർ 3-ൽ ഫഹദ് ഫാസിലും അജു വർഗ്ഗീസും? സോഷ്യൽ മീഡിയയെ ആവേശത്തിലാക്കി പുതിയ ‘മാസ്സ്’ പോസ്റ്റർ

സൂപ്പർസ്റ്റാർ രജനികാന്തിനെ നായകനാക്കി നെൽസൺ ദിലീപ്കുമാർ സംവിധാനം ചെയ്ത ‘ജയിലർ’ സിനിമകളുടെ വലിയ വിജയത്തിന് പിന്നാലെ, സോഷ്യൽ മീഡിയയിൽ പുതിയൊരു ചർച്ചയ്ക്ക് തുടക്കമിട്ട് ആരാധകർ. ജയിലർ മൂന്നാം ഭാഗത്തിൽ തമിഴ്-മലയാളം സിനിമകളിലെ മുൻനിര താരം ഫഹദ് ഫാസിലും ഹാസ്യനടൻ അജു വർഗ്ഗീസും ഒന്നിച്ചെത്തിയാൽ എങ്ങനെയിരിക്കുമെന്ന ഭാവനയിൽ തയ്യാറാക്കിയ ഒരു ഫാൻ-മെയ്ഡ് പോസ്റ്ററാണ് ഇപ്പോൾ ഇൻസ്റ്റാഗ്രാമിലും എക്സിലും പ്രചരിക്കുന്നത്.

ലുങ്കിയും ബനിയനും ധരിച്ച് കട്ട മാസ്സ് ലുക്കിൽ നിൽക്കുന്ന ഫഹദ് ഫാസിലിനൊപ്പം അജു വർഗ്ഗീസും പോസ്റ്ററിലുണ്ട്.

സൺ പിക്ചേഴ്സിന്റെ ബാനറിൽ കലാനിധി മാരൻ നിർമ്മിച്ച്, അനിരുദ്ധ് രവിചന്ദർ സംഗീതം നൽകുന്ന ‘ജയിലർ 3’ വരുന്നു എന്ന രീതിയിലാണ് പോസ്റ്റർ ഡിസൈൻ ചെയ്തിരിക്കുന്നത്. നിലവിൽ സംവിധായകൻ നെൽസണോ നിർമ്മാതാക്കളോ മൂന്നാം ഭാഗത്തെക്കുറിച്ച് ഔദ്യോഗിക പ്രഖ്യാപനങ്ങൾ ഒന്നും നടത്തിയിട്ടില്ലെങ്കിലും, ഈ ഫാൻ-മെയ്ഡ് ചിത്രം ഇതിനകം തന്നെ ലക്ഷക്കണക്കിന് ആളുകളാണ് ലൈക്ക് ചെയ്യുകയും പങ്കുവെക്കുകയും ചെയ്തിട്ടുള്ളത്.