Gossips
നവരാത്രിയിൽ അഘോരിയായി മരീന മൈക്കൽ, ഫോട്ടോഷൂട്ട് തരംഗമാകുന്നു
നടി മരീന മൈക്കൽ കുരിശിങ്കലിന്റെ തികച്ചും വേറിട്ട നവരാത്രി ഫോട്ടോഷൂട്ട് ചിത്രങ്ങളാണ് ഇപ്പോൾ സോഷ്യൽ മീഡിയയിൽ തരംഗമായി മാറുന്നത്. നവരാത്രി ആഘോഷങ്ങളുടെ ഭാഗമായി സാധാരണയായി കാണാറുള്ള പരമ്പരാഗതമായ ശൈലികളിൽ നിന്നും ഭക്തിസാന്ദ്രമായ ഭാവങ്ങളിൽ നിന്നും പൂർണ്ണമായും വേറിട്ടുനിൽക്കുന്നതാണ് താരത്തിന്റെ ഈ പുതിയ മേക്കോവർ.അഘോരി ലുക്കിലാണ് താരം ക്യാമറയ്ക്ക് മുന്നിലെത്തിയിരിക്കുന്നത്.
ഇൻസ്റ്റാഗ്രാമിൽ പങ്കുവെച്ച ചിത്രങ്ങൾ ഇതിനോടകം തന്നെ ആരാധകർ ഏറ്റെടുത്തു കഴിഞ്ഞു.
‘ആത്മാവ് കൊണ്ട് അഘോരിയും ഹൃദയം കൊണ്ട് ഭക്തയുമായവൾ’ എന്ന അടിക്കുറിപ്പോടെയാണ് താരം തന്റെ ചിത്രങ്ങൾ പങ്കുവെച്ചിരിക്കുന്നത്.
മോജിൻ പകർത്തിയ മനോഹരമായ ചിത്രങ്ങൾക്ക് മേക്കപ്പ് ഒരുക്കിയിരിക്കുന്നത് പ്രബിൻ മേക്കപ്പ് ആർട്ടിസ്റ്റാണ്. ആദിത്യ നാനുവാണ് താരത്തിന്റെ ഈ അഘോരി ലുക്കിന് പിന്നിലെ സ്റ്റൈലിംഗ് നിർവ്വഹിച്ചിരിക്കുന്നത്.
