latest news
മോളിവുഡ് ബോക്‌സ് ഓഫീസ് ഇളക്കിമറിക്കാൻ വില്ലനായി ടൊവിനോ? അമൽ നീരദിന്റെ ‘ബാച്ചിലർ പാർട്ടി’ പുതിയ മാസ് പോസ്റ്റർ പുറത്ത്!
അമൽ നീരദും, ടൊവിനോ തോമസും ഒടുവിൽ കൈകോർക്കുന്നു! സിനിമാ പ്രേമികൾക്കിടയിൽ വലിയ തരംഗം സൃഷ്ടിച്ച 2012-ലെ ‘ബാച്ചിലർ പാർട്ടി’ എന്ന ചിത്രത്തിന്റെ രണ്ടാം ഭാഗമായ ‘ബാച്ചിലർ പാർട്ടി ഡുഎക്സ്’ എന്ന പുതിയ ചിത്രത്തിൽ നിന്നുള്ള ടൊവിനോയുടെ ഫസ്റ്റ് ലുക്ക് പോസ്റ്ററാണ് ഇപ്പോൾ പുറത്തുവന്നിരിക്കുന്നത്. ‘നരകം ശൂന്യമാണ്, എല്ലാ പിശാചുക്കളും ഇവിടെയുണ്ട്’ എന്ന വില്യം ഷേക്‌സ്പിയറിന്റെ പ്രശസ്തമായ വരികളോടെയാണ് അമൽ നീരദ് ഈ മാസ് പോസ്റ്റർ പങ്കുവെച്ചിരിക്കുന്നത്.
ആദ്യ ഭാഗത്തിൽ പൃഥ്വിരാജ് സുകുമാരൻ കൈകാര്യം ചെയ്ത സമാനമായ ഒരു അതിഥി വേഷത്തിലായിരിക്കും ടൊവിനോ ഈ ചിത്രത്തിൽ പ്രത്യക്ഷപ്പെടുകയെന്നാണ് സിനിമാ ലോകത്തെ അണിയറ സംസാരം.
അമൽ നീരദിന്റെ മുൻ ചിത്രമായ ‘ഭീഷ്മപർവ്വ’ത്തിലെ കഥാപാത്രങ്ങളുടെ ലുക്കിനെ അനുസ്മരിപ്പിക്കുന്നതാണ് ടൊവിനോയുടെ ഈ പുതിയ ഭാവമെന്ന് ഇതിനോടകം തന്നെ പ്രേക്ഷകർ ചർച്ചകൾ തുടങ്ങിക്കഴിഞ്ഞു.
