latest news
അമ്പതാം ദിവസത്തിലേക്ക് നിവിൻ പോളിയുടെ ‘ബെത്‌ലഹേം കുടുംബയൂണിറ്റ്’!
നിവിൻ പോളി നായകനായ ‘ബെത്‌ലഹേം കുടുംബ യൂണിറ്റ്’ എന്ന ചിത്രം ഒടിടിയിൽ സ്ട്രീമിങ് ആരംഭിച്ച ശേഷവും തിയേറ്ററുകളിൽ വിജയകരമായി പ്രദർശനം തുടരുന്നു. ഒക്ടോബർ ആദ്യവാരം ഓൺലൈൻ പ്ലാറ്റ്‌ഫോമുകളിൽ സിനിമ ലഭ്യമായിട്ടും, ഒട്ടും ആവേശം ചോരാതെ ചിത്രം അമ്പതാം ദിവസത്തിലേക്ക് കടക്കുകയാണ്. ഫോണിലോ ലാപ്ടോപ്പിലോ കാണുന്നതിനേക്കാൾ ബിഗ് സ്ക്രീനിൽ തന്നെ സിനിമ അനുഭവിക്കണം എന്ന പ്രേക്ഷകരുടെ തീരുമാനമാണ് ഈ വലിയ നേട്ടത്തിന് പിന്നിൽ. 50-ാം ദിവസത്തിലും ചിത്രം പ്രദർശനം തുടരുന്ന കേരളത്തിലെ പ്രധാന തിയേറ്ററുകളുടെ പുതിയ ലിസ്റ്റ് നിവിൻ പോളി സോഷ്യൽ മീഡിയയിലൂടെ പങ്കുവെച്ചിട്ടുണ്ട്.
ഗിരീഷ് എ.ഡി. സംവിധാനം ചെയ്ത ഈ ചിത്രം തിയേറ്ററുകളിൽ വലിയ സ്വീകാര്യതയാണ് നേടിയത്. ഭാവനാ സ്റ്റുഡിയോസ് നിർമ്മിച്ച ഈ ചിത്രത്തിൽ നിവിൻ പോളിക്കൊപ്പം മമിത ബൈജു, വിനയ് ഫോർട്ട്, സംഗീത് പ്രതാപ് എന്നിവരാണ് മറ്റ് പ്രധാന വേഷങ്ങളിലെത്തിയത്.
