latest news
‘ഇവർക്ക് മുകളിൽ ഒരു അഭിനേത്രി ഇന്ത്യൻ സിനിമയിലുണ്ടോ?’: ഉർവശിയുടെ ‘ആശ’ കണ്ട് നെഞ്ചുരുകി സംവിധായകൻ സാജിദ് യഹിയ
മലയാളത്തിന്റെ എക്കാലത്തെയും പ്രിയപ്പെട്ട നടി ഉർവശിയുടെ കരിയറിലെ ഏറ്റവും ശക്തവുമായ വേഷപ്പകർച്ചയുമായി പുതിയ ചലച്ചിത്രം ആശ തിയേറ്ററുകളിൽ എത്തിയിരിക്കുകയാണ്. ചിത്രം കണ്ടതിന് ശേഷം ഉർവശിയുടെ അസാധ്യ പ്രകടനത്തെ പ്രശംസിച്ച് ചലച്ചിത്ര സംവിധായകൻ സാജിദ് യഹിയ പങ്കുവെച്ച ഹൃദയസ്പർശിയായ കുറിപ്പ് ഇപ്പോൾ വലിയ രീതിയിൽ ചർച്ചയാകുന്നു.
ഇവർക്ക് മുകളിൽ ഒരു അഭിനേത്രി ഇന്ത്യൻ സിനിമയിൽ ഉണ്ടോ എന്ന ചോദ്യമാണ് സാജിദ് യഹിയ മുന്നോട്ട് വെക്കുന്നത്. ഉർവശിയോളം പോന്ന അല്ലെങ്കിൽ അവർക്ക് മുകളിലായി നിൽക്കുന്ന മറ്റൊരു നടി ഇന്ത്യൻ ചലച്ചിത്ര ലോകത്ത് തന്നെ ഇല്ലെന്നാണ് അദ്ദേഹം പറയുന്നത്.
അസാധ്യമായ പ്രകടനമാണ് ചിത്രത്തിൽ ഉർവശി കാഴ്ചവെച്ചിരിക്കുന്നത്. അതുകൊണ്ടുതന്നെ യാതൊരുവിധ സംശയങ്ങളും കൂടാതെ, ഒരക്ഷരം പോലും തെറ്റാതെ ഉർവശിയെ ലേഡി സൂപ്പർസ്റ്റാർ എന്ന് വിശേഷിപ്പിക്കാമെന്നും അദ്ദേഹം കൂട്ടിച്ചേർക്കുന്നു.
തിയേറ്ററുകളിൽ ആശ മികച്ച പ്രതികരണം നേടി മുന്നേറുകയാണ്.
