latest news
നടന് വിനായകനെതിരെ കേസ്
Published on
ആലപ്പുഴ: നടന് വിനായകനെതിരെ സ്ത്രീത്വത്തെ അപമാനിച്ചതിന് കേസെടുത്ത് പൊലീസ്. ആലപ്പുഴ മാവേലിക്കര പൊലീസാണ് വിനായകനെതിരെ കേസെടുത്തത്. ബോംബെയില് ജോലി ചെയ്യുന്ന തഴക്കര സ്വദേശിയുടെ പരാതിയിലാണ് കേസെടുത്തത്.
പരാതിക്കാരന്റെ പ്രായപൂര്ത്തിയാകാത്ത മകളുടെ ചിത്രം വിനായകന് ഫെയ്സ്ബുക്കില് പങ്കുവച്ചിരുന്നു. കഴിഞ്ഞ വര്ഷം ജൂലൈയില് ആയിരുന്നു കേസിനാസ്പദമായ സംഭവം. നടനെ താന് വിമര്ശിച്ചതിന്റെ പേരില് പ്രായപൂര്ത്തിയാകാത്ത തന്റെ മകളുടെ ചിത്രമുള്പ്പെടെ പങ്കുവച്ചു കൊണ്ട് രൂക്ഷമായ ഭാഷയില് നടന് പ്രതികരിച്ചു എന്ന് പരാതിയില് പറയുന്നു.
ആലപ്പുഴയില് വെച്ച് നടന്ന ബാലാവകാശ കമ്മീഷന്റെ സിറ്റിങ്ങില് പൊലീസിന് കമ്മീഷന് കേസെടുക്കാന് നിര്ദ്ദേശം നല്കിയതോടെയാണ് എഫ്ഐആര് ഇട്ടത്.
