latest news
അന്സിബയുടേത് വ്യക്തിപരമായ പ്രശ്നം; ശ്വേത മേനോന്
കൊച്ചി: നടന് ടിനി ടോമിനെതിരെ അന്സിബ ഉന്നയിച്ച ആരോപണങ്ങളില് പ്രതികരിച്ച് താരസംഘടനയായ അമ്മയുടെ പ്രസിഡന്റ് ശ്വേത മേനോന്. അമ്മയുടെ ഐ ക്യാംപ് നടക്കുന്ന ദിവസം തന്നെ അന്സിബ ഇത്തരമൊരു കാര്യം പറഞ്ഞതിന്റെ ഉദ്ദേശ്യ ശുദ്ധിയില് സംശയമുണ്ടെന്നും ശ്വേത മേനോന് പറഞ്ഞു. കൊച്ചിയില് മാധ്യമങ്ങളോട് സംസാരിക്കുകയായിരുന്നു ശ്വേത.
‘ജനുവരിയില് മൂന്ന് പരാതികള് ആ കുട്ടി തന്നിട്ടുണ്ടായിരുന്നു. അത് വ്യക്തിപരമായ വേറെയൊരു പരാതിയായിരുന്നു. അവസാനത്തെ ഇന്റേണല് കമ്മിറ്റി (ഐസി) മീറ്റിങ് മാര്ച്ച് രണ്ടിനായിരുന്നു. അന്നാണ് അന്സിബ അവസാനം വരുന്നത്. അതില് എന്നോട് ഒന്നും ആ കുട്ടി പറഞ്ഞിട്ടില്ല. നമ്മുടെ എല്ലാ മീറ്റിങ്ങിലും ഒരുപാട് അടിപിടി നടക്കാറുണ്ട്.
അതിന് ഒരു കുറവുമില്ല. അങ്ങനെ വച്ച് നോക്കുകയാണെങ്കില് നമുക്ക് എല്ലാവരുടെയും മുകളില് പരാതിയുണ്ട്. 17 ആള്ക്കാരാണ് ഐസിയില് അം?ഗങ്ങളായിട്ടുള്ളത്. ഒരാള് അങ്ങനെ പറയുമ്പോള് 16 ആള്ക്കാരും പ്രതികരിക്കാതെ ഇരിക്കുമോ?. ജനുവരിയില് എന്നെ വിളിച്ചിട്ടുണ്ട്. പക്ഷേ ആ പരാതി വേറെ എന്തോ ആണ്.
അത് പൊലീസ് കേസ് ആയിരുന്നു. അമ്മ ഒരു വെല്ഫെയര് ഓ?ര്?ഗനൈസേഷന് അല്ല, ചാരിറ്റി ഓര്?ഗനൈസേഷനാണ്. ഓരോരുത്തരുടെയും വീട്ടില് നടക്കുന്ന പരാതികളൊന്നും പരി?ഗണിക്കാന് പറ്റില്ല. അവരുടെ തര്ക്കവും അമ്മയുമായി ബന്ധപ്പെട്ടതല്ല, വ്യക്തിപരമാണ്. ഇന്ന് രണ്ട് മണിക്കാണ് ടിനിക്കെതിരെ പരാതി മെയില് വരുന്നത്. അമ്മയുടെ ഓരോ കാര്യങ്ങളും അമ്മയ്ക്കുള്ളിലാണ് തീര്ക്കേണ്ടത്.
മെയ് 12 ന് അം?ഗീകരിച്ച ഒരു രാജിയാണ്. ഇപ്പോള് ആ കുട്ടി വരുന്നത് മെയ് 23 ന്. എന്തുകൊണ്ട് ഇതിന് മുന്പ് വന്നില്ല. ആ കുട്ടി ഭയങ്കര കഠിനാധ്വാനം ചെയ്യുന്ന ആളാണ്. എന്തെങ്കിലും പരാതിയുണ്ടെങ്കില് അമ്മയ്ക്കുള്ളില് നമ്മള് ചര്ച്ച ചെയ്യും. നമ്മളൊരു ചാരിറ്റി അസോസിയേഷന് ആണ്. നമുക്ക് എവിടുന്ന് വേണമെങ്കിലും ഏത് മതപരമായ സ്ഥാപനത്തില് നിന്നും നമുക്ക് ചാരിറ്റി സ്വീകരിക്കാം.
നിയമപരമല്ലാത്ത ഒന്നും ഇവിടെ നടക്കുന്നില്ല. അന്സിബ അത് പറഞ്ഞത് ഒരു പരാതിയായിട്ടല്ല, അഭിപ്രായമാണ് പറഞ്ഞത്. ബൈ ലോ പ്രകാരം നമ്മളെ തെറ്റിദ്ധരിപ്പിച്ച ഒന്നാണ് പ്രസിഡന്റ് ഒരു നോക്കുകുത്തി ആണെന്നുള്ളത്. പക്ഷേ അങ്ങനെയല്ല. പ്രസിഡന്റ് തന്നെയാണ് സംഘടനയുടെ തലവന്. പണ്ട് ഇടവേള ബാബു ചേട്ടനാണ് അമ്മയുടെ ജനറല് സെക്രട്ടറി സ്ഥാനം വഹിച്ചത്.
