പ്രണവ് – കല്യാണി വിവാഹം; മറുപടിയുമായി ലിസി

നടന്‍ പ്രണവ് മോഹന്‍ലാലും നടി കല്യാണി പ്രിയദര്‍ശനും തമ്മില്‍ വിവാഹം കഴിക്കണമെന്ന് ആ?ഗ്രഹിക്കുന്ന ഒരുപാട് പേരുണ്ട്. പലപ്പോഴും സോഷ്യല്‍ മീഡിയയിലൂടെ ആരാധകര്‍ ഇക്കാര്യം പറയാറുണ്ട്. പലപ്പോഴും ഇരുവരും പ്രണയത്തിലാണ് എന്ന തരത്തിലും ?ഗോസിപ്പുകള്‍ പരന്നിരുന്നു.

ഇപ്പോഴിതാ ഇത്തരം ചര്‍ച്ചകള്‍ക്കെല്ലാം വിരമാമിട്ടിരിക്കുകയാണ് കല്യാണിയുടെ അമ്മയും നടിയുമായ ലിസി. വിഷുദിനത്തില്‍ ലിസി പങ്കുവച്ച ആശംസ പോസ്റ്റിന് താഴെ വന്ന ഒരു ആരാധകന്റെ കമന്റിനാണ് താരം നേരിട്ട് മറുപടി നല്‍കിയത്.

”എല്ലാവര്‍ക്കും സമൃദ്ധിയും ഐശ്വര്യവും ആരോഗ്യവും സന്തോഷവും നിറഞ്ഞ ഒരു വിഷു ആശംസിക്കുന്നു! ഏവര്‍ക്കും ഐശ്വര്യപൂര്‍ണ്ണമായ ഒരു പുതുവത്സരം ആശംസിക്കുന്നു” എന്നായിരുന്നു ലിസിയുടെ വിഷു പോസ്റ്റ്.

ഇതിന് താഴെയാണ് കല്യാണിയും പ്രണവും തമ്മിലുള്ള വിവാഹത്തിനായി കാത്തിരിക്കുന്നു എന്ന് ഒരു ആരാധകന്‍ കമന്റ് ചെയ്തത്. എന്നാല്‍ ഒട്ടും വൈകാതെ തന്നെ ”ഇതൊരു തെറ്റായ വാര്‍ത്തയാണ്” എന്ന് ലിസി മറുപടി നല്‍കി. അനാവശ്യ ചോദ്യം ഉന്നയിച്ച ആളെ പരിഹസിച്ചുകൊണ്ട് നിരവധി പേര്‍ ലിസിയുടെ മറുപടിക്ക് താഴെ കമന്റുകളുമായി എത്തിയിട്ടുണ്ട്.