മമ്മൂട്ടി-ഖാലിദ് റഹ്‌മാൻ ചിത്രം; ടൈറ്റിൽ ഇന്ന്

മമ്മൂട്ടിയെ നായകനാക്കി ഖാലിദ് റഹ്‌മാൻ സംവിധാനം ചെയ്യുന്ന ചിത്രത്തിന്റെ ടൈറ്റിൽ പോസ്റ്റർ ഇന്ന്. വൈകിട്ട് ആറിനാണ് ചെറിയ പെരുന്നാൾ സമ്മാനമായി സിനിമയുടെ ടൈറ്റിൽ മമ്മൂട്ടി ആരാധകർക്കു നൽകുക.

പ്ലാൻ ബി മോഷൻ പിച്ചേഴ്സും യൂണിവേഴ്സൽ സിനിമാസും ചേർന്നാണ് നിർമാണം.

നേരത്തെ ഖാലിദ് റഹ്‌മാൻ-മമ്മൂട്ടി ചിത്രം ക്യൂബ്സ് എന്റർടെയ്ൻമെന്റ്സ് നിർമിക്കുമെന്ന് പ്രഖ്യാപിച്ചിരുന്നു. പിന്നീട് ഈ ചിത്രത്തിൽ നിന്ന് ഖാലിദ് റഹ്‌മാനെ നീക്കുകയോ ഖാലിദ് സ്വയം പിന്മാറുകയോ ആയിരുന്നു. പകരമാണ് ഇപ്പോൾ പ്രഖ്യാപിച്ചിരിക്കുന്ന ചിത്രം എത്തുന്നത്.