Gossips
അമ്മയെപ്പോലെ മകൾ’; കാവ്യ മാധവന്റെ പഴയകാല ലുക്കിൽ മഹാലക്ഷ്മി, സോഷ്യൽ മീഡിയയിൽ വൈറലായി പുതിയ ചിത്രങ്ങൾ!
മലയാളികളുടെ പ്രിയപ്പെട്ട താരദമ്പതികളായ ദിലീപിന്റെയും കാവ്യ മാധവന്റെയും മകൾ മഹാലക്ഷ്മി സോഷ്യൽ മീഡിയയിൽ വീണ്ടും തിളങ്ങുന്നു. താരപുത്രിയുടെ ഏറ്റവും പുതിയ ചിത്രങ്ങൾ പുറത്തുവന്നതോടെ വലിയ ചർച്ചകളാണ് ആരാധകർക്കിടയിൽ നടക്കുന്നത്. കുട്ടിക്കാലത്ത് സിനിമയിൽ സജീവമായിരുന്ന കാവ്യ മാധവന്റെ അതേ ലുക്കിലാണ് മഹാലക്ഷ്മി ഇപ്പോൾ ഉള്ളതെന്നാണ് ആരാധകരുടെ പ്രധാന കണ്ടെത്തൽ.
ചെന്നൈയിലെ ‘ദേ പുട്ട്’ റസ്റ്റോറന്റിന്റെ പുതിയ ഔട്ട്ലെറ്റ് ഉദ്ഘാടന വേളയിൽ മാതാപിതാക്കൾക്കൊപ്പം എത്തിയ മഹാലക്ഷ്മിയുടെ ദൃശ്യങ്ങളാണ് സോഷ്യൽ മീഡിയ ഏറ്റെടുത്തത്. നീലയും ചുവപ്പും വസ്ത്രവും, നെറ്റിയിൽ കുറിയും തൊട്ട് അതീവ സുന്ദരിയായാണ് മഹാലക്ഷ്മി പ്രത്യക്ഷപ്പെട്ടത്. കാവ്യ മാധവൻ ആദ്യകാലങ്ങളിൽ അഭിനയിച്ച ‘പൂക്കാലം വരവായി’, ‘അഴകിയ രാവണൻ’ എന്നീ സിനിമകളിലെ ലുക്കുമായി മഹാലക്ഷ്മിക്ക് ഏറെ സാമ്യമുണ്ടെന്ന് നിരവധി പേർ അഭിപ്രായപ്പെടുന്നു.
കഴിഞ്ഞ ദിവസം ചെന്നൈ ഔട്ട്ലെറ്റിൽ വെച്ച് അച്ഛൻ ദിലീപിനായി മഹാലക്ഷ്മി സ്വന്തം കൈകൊണ്ട് ‘ഐസ് ടീ’ ഉണ്ടാക്കി നൽകുന്ന ഒരു ക്യൂട്ട് വീഡിയോ കാവ്യ ഇൻസ്റ്റാഗ്രാമിലൂടെ പങ്കുവെച്ചിരുന്നു.
