latest news
തിയേറ്ററുകളിൽ ചിരിയുടെ പൂരം; ഒക്ടോബർ 2 മുതൽ ‘അവറാച്ചൻ & സൺസ്’ കളത്തിലേക്ക്!
ബിജു മേനോന്റെ കോമഡിയും ശ്രീനാഥ് ഭാസിയുടെ തഗ്ഗുകളും ഒരേ സ്ക്രീനിൽ ഒന്നിച്ചാൽ തിയേറ്ററിൽ എങ്ങനെയുണ്ടാകും? ആ ഒരു വെടിക്കെട്ട് കോമ്പോയുമായാണ് ‘അവറാച്ചൻ & സൺസ്’ വരുന്നത്.
ലിസ്റ്റിൻ സ്റ്റീഫന്റെ മാജിക് ഫ്രെയിംസിന്റെ ബാനറിൽ ഒരുങ്ങുന്ന ഈ ചിത്രം വരാനിരിക്കുന്ന ഒക്ടോബർ 2-നാണ് പ്രേക്ഷകർക്ക് മുന്നിലേക്ക് എത്തുന്നത്. കോമഡി ട്രാക്കിൽ മലയാളികളെ എക്കാലത്തും കൈയിലെടുത്തിട്ടുള്ള വിനയ് ഫോർട്ട്, ഗണപതി, ജോണി ആന്റണി, ഗ്രേസ് ആന്റണി എന്നിവരുടെ വൻ നിര തന്നെ ഈ സിനിമയിലുണ്ട്.
തമ്പി സംവിധാനം ചെയ്യുന്ന ഈ സിനിമയുടെ കഥ ഒരുക്കിയിരിക്കുന്നത് ജോസഫ് വിജീഷും തമ്പിയും ചേർന്നാണ്. തിയേറ്ററുകളിൽ വന്ന് ലൗഡായി ചിരിച്ച്, നല്ലൊരു മൂഡിൽ തിരികെ പോകാൻ പറ്റുന്ന ഒന്നാന്തരം സിനിമാ അനുഭവമായിരിക്കും ഇതെന്നാണ് ടീം നൽകുന്ന ഉറപ്പ്. ഒക്ടോബറിലെ അവധി ദിനങ്ങൾ തിയേറ്ററിൽ കളറാക്കാൻ ആഗ്രഹിക്കുന്ന പ്രേക്ഷകർക്കായി ചിരിയുടെ നല്ലൊരു വിരുന്ന് തന്നെയാണ് അണിയറയിൽ ഒരുങ്ങുന്നത്.
