ഹോസ്പിറ്റലില്‍ നിന്ന് ഡിസ്ചാര്‍ജായി രേണു സുധി

സോഷ്യല്‍ മീഡിയ താരവും മുന്‍ ബിഗ് ബോസ് മത്സരാര്‍ത്ഥിയും കൊല്ലം സുധിയുടെ ഭാര്യയുമായ രേണു സുധി ഗുരുതരാവസ്ഥയിലാണെന്ന് വെളിപ്പെടുത്തി ഇന്‍ഫ്‌ലുവന്‍സറും അവതാരകയുമായ ശാരിക കെ.ബി. ഇന്‍സ്റ്റഗ്രാമില്‍ പങ്കുവച്ച വിഡിയോ ഏറെ ശ്രദ്ധേയമായിരുന്നു. ഏറെ നാളായി കാന്‍സര്‍ പോരാട്ടതിലാണ് രേണു.

അഞ്ചു കീമോകള്‍ക്കു ശേഷം രേണുവിന്റെ ആരോഗ്യം വഷളായിരിക്കുകയാണ്. രേണു ഇപ്പോള്‍ കോട്ടയം മെഡിക്കല്‍ കോളേജില്‍ ഐസിയുവിലാണെന്നും അവസ്ഥ വളരെ മോശമാണെന്ന് രേണുവിന്റെ ചേച്ചി വിളിച്ച് അറിയിച്ചതായും ശാരിക പറഞ്ഞിരുന്നു. ‘റിയാലിറ്റി മിക്കപ്പോഴും ഇത്തിരി കയ്പ്പുള്ളതായിരിക്കും. കയ്പ്പുള്ള യാഥാര്‍ത്ഥ്യം എനിക്ക് നിങ്ങളോട് പറയേണ്ടി വരികയാണ്’ എന്ന മുഖവുരയോടെയാണ് ശാരിക രേണുവിന്റെ ആരോഗ്യാവസ്ഥ അറിയിച്ചത്.

‘എന്റെ പ്രിയപ്പെട്ട കൂട്ടുകാരി രേണുവിന്റെ അവസ്ഥ വളരെ വളരെ മോശമാണ്. വളരെ ക്രിട്ടിക്കലാണ്. പ്ലേറ്റ്‌ലെറ്റ് കൗണ്ട് വല്ലാതെ കുറഞ്ഞു. ഹോസ്പിറ്റലില്‍ അഡ്മിറ്റാണ്. ഇന്ന് വൈകുന്നേരമാണ് ഞാന്‍ അറിഞ്ഞതും എന്നെ വിളിച്ച് പറഞ്ഞതും. പ്രാര്‍ഥിക്കണമെന്ന് പറയാന്‍ വേണ്ടി വിളിച്ചതാണ്. അഞ്ചോളം കീമോകള്‍ അവള്‍ക്ക് ചെയ്തു. ഓരോ കീമോ കഴിയുമ്പോഴും പച്ചവെള്ളം പോലും ഛര്‍ദിക്കുന്ന അവസ്ഥയാണ്. നാലാമത്തെ കീമോ വരെ അവള്‍ പത്ത് ദിവസം കിടന്ന് ചാടിയെഴുന്നേറ്റ് വീഡിയോ ചെയ്യുകയും മറുപടി തരുകയും ചെയ്തു. അഞ്ചാമത്തെ കീമോ കഴിഞ്ഞ് പത്ത് ദിവസം കഴിഞ്ഞും അവള്‍ക്ക് എഴുന്നേല്‍ക്കാന്‍ സാധിച്ചില്ല’. ‘ആഹാരം കഴിക്കാന്‍ പറ്റില്ല. പിക്ക് ലൈന്‍ ഇട്ടു. ആഹാരം കഴിക്കുന്നതിന് പകരമുള്ള എന്തോ അവളുടെ ദേഹത്ത് ഘടിപ്പിച്ചിട്ടുണ്ട്. എന്ത് ചെയ്യണമെന്ന് അറിയാത്ത അവസ്ഥയിലാണ് രേണുവിന്റെ ചേച്ചി. അത്രയും വേ?ദന തിന്നുകയാണ് ആ കുട്ടി അവിടെ കിടന്ന്. ഉറപ്പായും അവള്‍ തിരിച്ച് വരും. നിങ്ങളുടെ എല്ലാവരുടെയും പ്രാര്‍ത്ഥന വേണം,’ എന്നാണ് ശാരിക പറഞ്ഞത്.