latest news
അമ്മയായതിന് ശേഷം ചര്മം കൂടുതല് സെന്സിറ്റീവായി; കത്രീന
Published on
അമ്മയായി ജീവിതത്തിലെ പുതിയ ഘട്ടത്തിലൂടെയാണ് കത്രീന കൈഫ് കടന്നുപോകുന്നത്. സിനിമയും ബിസിനസും കുടുംബജീവിതവുമെല്ലാം ഒരുപോലെ മുന്നോട്ടുകൊണ്ടുപോകുന്നതിനിടെ, ഗര്ഭധാരണവും മാതൃത്വവും തന്റെ ദിനചര്യയിലും ശരീരത്തിലും സൗന്ദര്യത്തെക്കുറിച്ചുള്ള കാഴ്ചപ്പാടിലുമെല്ലാം മാറ്റം വരുത്തിയതായി താരം പറയുന്നു.
‘ദി ഹോളിവുഡ് റിപ്പോര്ട്ടര് ഇന്ത്യ’യ്ക്ക് നല്കിയ അഭിമുഖത്തിലാണ് കത്രീന തന്റെ പുതിയ ജീവിതത്തെക്കുറിച്ച് സംസാരിച്ചത്. സിനിമാ സെറ്റുകളുടെയും റെഡ് കാര്പ്പറ്റുകളുടെയും ബ്രാന്ഡ് തിരക്കുകളുടെയും പുറത്തുള്ള സമയം തനിക്ക് എത്രത്തോളം പ്രധാനമാണെന്നും താരം വ്യക്തമാക്കി.
ജോലിത്തിരക്കുകളില്നിന്ന് മാറിനില്ക്കുമ്പോള് കുടുംബത്തിനും സുഹൃത്തുക്കള്ക്കുമൊപ്പം സമയം ചെലവഴിക്കുന്നതാണ് തനിക്ക് ബാലന്സ് നിലനിര്ത്താന് സഹായിക്കുന്നതെന്ന് കത്രീന പറഞ്ഞു.
