‘കടാവർ’ റിലീസ് ചെയ്ത് നാല് വർഷം; 10 വർഷത്തെ കാത്തിരിപ്പിനെക്കുറിച്ച് അഭിലാഷ് പിള്ള

അമല പോൾ നായികയായെത്തിയ ‘കടാവർ’ റിലീസ് ചെയ്തിട്ട് നാല് വർഷം. ചിത്രത്തിന്റെ തിരക്കഥാകൃത്ത് അഭിലാഷ് പിള്ളയാണ് സിനിമയുടെ നാലാം വാർഷികത്തോടനുബന്ധിച്ച് സോഷ്യൽ മീഡിയയിൽ കുറിപ്പ് പങ്കുവെച്ചത്.

ആദ്യ സിനിമയോട് എന്നും കുറച്ച് ഇഷ്ടം കൂടുതലാണെന്ന് അഭിലാഷ് പിള്ള കുറിച്ചു. സിനിമയ്ക്ക് വേണ്ടിയുള്ള പത്ത് വർഷത്തെ ശ്രമമാണ് തന്റെ ജീവിതത്തിലെ ഏറ്റവും വലിയ അനുഭവമെന്നും അദ്ദേഹം പറഞ്ഞു. ഒരു സിനിമാക്കാരന്റെ ജീവിതത്തിലെ സന്തോഷങ്ങളിലൂടെയും സങ്കടങ്ങളിലൂടെയും കടന്നുപോയ കാലമായിരുന്നു അതെന്നും കുറിപ്പിൽ പറയുന്നു.

എല്ലാം സഹിച്ച് വീണ്ടും വീണ്ടും ശ്രമിച്ചത് സിനിമയെന്ന ഒരൊറ്റ സ്വപ്നത്തിന് വേണ്ടിയായിരുന്നു. ആ സ്വപ്നം നേടിയിട്ട് നാല് വർഷമായെന്നും ഒപ്പം നിന്ന എല്ലാവർക്കും നന്ദിയുണ്ടെന്നും അഭിലാഷ് പിള്ള കുറിച്ചു.

അനൂപ് പണിക്കർ സംവിധാനം ചെയ്ത ‘കടാവർ’ 2022 ഓഗസ്റ്റ് 12നാണ് ഒ.ടി.ടി. റിലീസായി എത്തിയത്. അമല പോൾ തന്നെയാണ് ചിത്രത്തിന്റെ നിർമാതാവും കേന്ദ്ര കഥാപാത്രത്തെ അവതരിപ്പിച്ചതും. ഫോറൻസിക് ഇൻവെസ്റ്റിഗേഷൻ ത്രില്ലർ വിഭാഗത്തിൽപ്പെട്ട ചിത്രത്തിന്റെ തിരക്കഥ അഭിലാഷ് പിള്ളയുടേതാണ്.