Uncategorized
‘ഇത് നാലാമത്തേത്’; മമ്മൂട്ടിയുടെ ദേശീയ പുരസ്കാര നേട്ടം ആഘോഷിച്ച് ദുൽഖർ
Published on
മികച്ച നടനുള്ള നാലാം ദേശീയ ചലച്ചിത്ര പുരസ്കാരം സ്വന്തമാക്കിയ മമ്മൂട്ടിക്ക് ആശംസകളുമായി സിനിമാ ലോകവും ആരാധകരും രംഗത്തെത്തുകയാണ്. ഇതിനിടെ, പിതാവിന്റെ നേട്ടം സമൂഹമാധ്യമങ്ങളിലൂടെ ആഘോഷിച്ച് ദുൽഖർ സൽമാനും.
മമ്മൂട്ടിയുടെ ചിത്രം ഇൻസ്റ്റഗ്രാമിൽ പങ്കുവെച്ച ദുൽഖർ, “Another one?” എന്ന ചോദ്യത്തിന് “Yes Pa! It’s like your FOURTH!” എന്ന രസകരമായ സംഭാഷണരൂപത്തിലുള്ള ക്യാപ്ഷനാണ് നൽകിയിരിക്കുന്നത്. നാലാം ദേശീയ പുരസ്കാര നേട്ടം ആഘോഷിക്കുന്ന തരത്തിലുള്ള ഈ പോസ്റ്റ് സമൂഹമാധ്യമങ്ങളിൽ ശ്രദ്ധ നേടുകയാണ്.
ദേശീയ പുരസ്കാര പ്രഖ്യാപനത്തിന് പിന്നാലെ രാഷ്ട്രീയ, സാംസ്കാരിക, സിനിമാ രംഗങ്ങളിലെ നിരവധി പ്രമുഖരും മമ്മൂട്ടിയെ അഭിനന്ദിച്ച് രംഗത്തെത്തിയിട്ടുണ്ട്. ദുൽഖറിന്റെ പോസ്റ്റിനും ആരാധകരിൽ നിന്ന് മികച്ച പ്രതികരണമാണ് ലഭിക്കുന്നത്.
