സൂര്യയെ നായകനാക്കി ജിത്തു മാധവന്‍ സംവിധാനം ചെയ്യുന്ന ‘സൂര്യ 47’-ന്റെ ചിത്രീകരണം പൂര്‍ത്തിയായി. പ്രഖ്യാപനം മുതല്‍ തന്നെ ശ്രദ്ധ നേടിയ ചിത്രം ഇനി പോസ്റ്റ് പ്രൊഡക്ഷന്‍ ജോലികളിലേക്ക് കടക്കുകയാണ്. ഫസ്റ്റ് ലുക്കും റിലീസ് സംബന്ധിച്ച പ്രഖ്യാപനങ്ങളുമാണ് ആരാധകര്‍ ഇപ്പോള്‍ ആകാംക്ഷയോടെ കാത്തിരിക്കുന്നത്.
ജ്യോതിക നിര്‍മ്മിക്കുന്ന ചിത്രത്തിന്റെ ഷൂട്ടിംഗ് കഴിഞ്ഞ വര്‍ഷം ചെന്നൈയില്‍ നടന്ന പൂജാ ചടങ്ങുകളോടെയാണ് ആരംഭിച്ചത്. തുടര്‍ന്ന് കേരളം ഉള്‍പ്പെടെ വിവിധ സ്ഥലങ്ങളിലായി ചിത്രീകരണം പൂര്‍ത്തിയാക്കി.
ജിത്തു മാധവന്‍ ആദ്യമായി തമിഴില്‍ സംവിധാനം ചെയ്യുന്ന ചിത്രമെന്ന പ്രത്യേകതയും സിനിമയ്ക്കുണ്ട്. രോമാഞ്ചം, ആവേശം എന്നീ വിജയചിത്രങ്ങള്‍ക്ക് ശേഷം ഒരുക്കുന്ന പുതിയ സംരംഭമായതിനാല്‍ സിനിമാപ്രേമികള്‍ക്കും വലിയ പ്രതീക്ഷയാണ്.
ചിത്രത്തില്‍ നസ്രിയ നസീം നായികയായി എത്തുമ്പോള്‍, നസ്ലന്‍ പ്രധാന കഥാപാത്രത്തെ അവതരിപ്പിക്കുന്നുണ്ട്. ജോണ്‍ വിജയ്, ആനന്ദ് രാജ് എന്നിവരും പ്രധാന വേഷങ്ങളിലുണ്ട്. സംഗീതം ഒരുക്കുന്നത് സുഷിന്‍ ശ്യാമാണ്. തമിഴില്‍ സുഷിന്‍ ശ്യാം സംഗീതസംവിധാനം നിര്‍വഹിക്കുന്ന ആദ്യ ചിത്രം കൂടിയാണിത്.
വന്‍ ബജറ്റില്‍ ഒരുങ്ങുന്ന മാസ് എന്റര്‍ടെയ്നറായ ചിത്രത്തിന്റെ താരനിരയെയും റിലീസ് തീയതിയെയും കുറിച്ചുള്ള കൂടുതല്‍ വിവരങ്ങള്‍ വരും ദിവസങ്ങളില്‍ പുറത്തുവിടുമെന്നാണ് പ്രതീക്ഷ.
സൂപ്പർസ്റ്റാർ രജനികാന്തിന്റെ ബ്ലോക്ക്ബസ്റ്റർ ചിത്രം 'ജയിലർ'-ൽ മുത്തശ്ശന്റെ…
ബ്ലോക്ക്ബസ്റ്റർ ചിത്രം 'ജയിലർ 2'വിൽ മലയാളത്തിൽ നിന്ന്…
കോടികൾ മുടക്കി നിർമ്മിച്ച് തിയേറ്ററുകളിൽ വൻ പരാജയമായി…
പണം ഇന്‍വെസ്റ്റ് ചെയ്യാന്‍ പേടിയാണെന്നും സേവ് ചെയ്യാനാണ്…
പുതിയ അഭിമുഖത്തില്‍ തന്റെ ജീവിതത്തെക്കുറിച്ച് നടി മേഘ്‌ന…
ഭാര്യ സരിതയോടുള്ള തന്റെ വിശ്വസ്തതയെ കുറിച്ച് നടന്‍…