latest news
കുടുംബചിത്രമായി വിസ്മയ മോഹന്ലാല്, റിലീസ് ഓഗസ്റ്റ് 7 ന്
വിസ്മയ മോഹന്ലാല് നായികയായി അഭിനയിക്കുന്ന ആദ്യചിത്രമാണ് തുടക്കം. ജൂഡ് ആന്തണി ജോസഫ് സംവിധാനം ചെയ്യുന്ന സിനിമയ്ക്കായി കാത്തിരിക്കുകയാണ് ആരാധകര്. ഓഗസ്റ്റ് 7 ന് തിയേറ്ററുകളിലെത്തുന്ന സിനിമയുടെ പുതിയ പോസ്റ്റര് പുറത്തുവന്നു. മോഹന്ലാല് സോഷ്യല് മീഡിയയിലൂടെ പോസ്റ്റര് പങ്കുവച്ചു. വിസ്മയയുടെ കഥാപാത്രത്തെ മനസിലാക്കാന് സാധിക്കുന്നതാണ് പോസ്റ്റര്.
ഒരു നായയ്ക്ക് പിന്നാലെ ഓടുന്ന വിസ്മയയെയാണ് പോസ്റ്ററാണ് പുറത്തുവന്നിരിക്കുന്നത്.
ആന്റണി പെരുമ്പാവൂരിന്റെ മകന് ആശിഷ് ജോ ആന്റണിയും ചിത്രത്തില് പ്രധാന വേഷത്തിലെത്തുന്നുണ്ട്. കുടുംബ ചിത്രമെന്ന് സംവിധായകന് ജൂഡ് ആന്റണി ജോസഫ് നേരത്തെ പറഞ്ഞിട്ടുണ്ട്.
ലിനീഷ് നെല്ലിക്കല്, അഖില് കൃഷ്ണ, ജൂഡ് ആന്തണി ജോസഫ്, എന്നിവരാണ് തിരക്കഥ രചിച്ചിരിക്കുന്നത്. സംഗീതം ജേക്സ് ബിജോയ്, ഛായാഗ്രഹണം ജോമോന് ടി ജോണ്, എഡിറ്റിംഗ് ചമന് ചാക്കോ. പ്രൊഡക്ഷന് ഡിസൈന് സന്തോഷ് രാമന്. മേക്കപ്പ് ജിതേഷ് പൊയ്യ, കോസ്റ്റ്യൂം ഡിസൈന് അരുണ് മനോഹര്, ചീഫ് അസോസിയേറ്റ് ഡയറക്ടര് സൈലക്സ് ഏബ്രഹാം, ഫിനാന്സ് കണ്ട്രോളര് മനോഹരന് കെ പയ്യന്നൂര്, പ്രൊഡക്ഷന് എക്സിക്യൂട്ടീവ്സ് വിനോദ് ശേഖര്, ശ്രീക്കുട്ടന്, പ്രൊഡക്ഷന് കണ്ട്രോളര് ബിജു തോമസ്, പിആര്ഒ വാഴൂര് ജോസ്.
