‘വീട്ടിലെ കാര്യം നാട്ടുകാര്‍ അറിയേണ്ട കാര്യമില്ല’, അമ്മയില്‍ പുതിയ തലമുറ വരുമെന്ന് ചാലി പാല

താരസംഘടയായ അമ്മയിലെ ഭരണസമിതി കഴിഞ്ഞദിവസം രാജിവെച്ചിരുന്നു. സംഘടനയിലെ അംഗങ്ങളുടെ കൂടുതല്‍ പ്രതികരണങ്ങളാണ് പുറത്തുവന്നു. പുതിയതലമുറ വരണമെന്നാണ് നടന്‍ ചാലി പാലയുടെ ആവിശ്യം. വീട്ടില്‍ ഒതുങ്ങേണ്ട കാര്യം നാട്ടുകാര്‍ മുഴുവന്‍ അറിയേണ്ട കാര്യമില്ലെന്നും അദ്ദേഹം കൂട്ടിച്ചേര്‍ത്തു.

‘അമ്മ എന്ന് പറയുന്നത് എന്റെ സ്വന്തം അമ്മയ്ക്ക് തുല്യമാണ്. ചങ്ക് പൊടിയുന്നു സത്യത്തില്‍. ഇത്രയും കാലമായിട്ട് ഉണ്ടായിരുന്ന ഐക്യമത്യവും യോജിപ്പും, എല്ലാവരും നല്ല സ്‌നേഹത്തിലായിരുന്നു. ഇപ്പോഴതെല്ലാം അങ്ങോട്ടും ഇങ്ങോട്ടും ചിതറി. തേങ്ങ ചാണകത്തില്‍ വീണത് പോലെയായി. എന്തൊക്കെയോ സംഭവിച്ചു. എനിക്ക് വലിയ വിഷമമാണ്. ശ്വേത അംഗത്വം രാജിവച്ചത് അപ്പോഴത്തെ മാനസികാവസ്ഥയിലാണ്. സഹിക്കാനും ക്ഷമിക്കാനും പൊറുക്കാനും പറ്റുന്ന കാര്യങ്ങളാണ്. പെറുക്കാന്‍ പറ്റാത്ത കാര്യങ്ങളൊന്നും ആരും ചെയ്തിട്ടില്ല. എല്ലാം ഒരു അണ്ടര്‍സ്റ്റാന്റിംഗ് ആണ്. നമ്മുടെ വീട്ടില്‍ ഒതുങ്ങേണ്ട കാര്യം നാട്ടുകാര്‍ മുഴുവന്‍ അറിയേണ്ട കാര്യമില്ല. ഇനി പുതിയ തലമുറ വരും’, -ചാലി പാല പറഞ്ഞു.