സന്തുഷ്ടരാണ്, നിറവയറില്‍ റെബ മോണിക്ക ജോണ്‍

അമ്മയാകാന്‍ പോകുന്ന സന്തോഷത്തിലാണ് നടി റെബ മോണിക്ക ജോണ്‍. അടുത്തിടെയാണ് തങ്ങള്‍ക്ക് പിറക്കാന്‍ പോകുന്ന വിവരം നടി ആരാധകരെ അറിയിച്ചത്.മറ്റേണിറ്റി ഫോട്ടോഷൂട്ടിന്റെ ചിത്രങ്ങള്‍ ഇന്‍സ്റ്റഗ്രാമില്‍ പങ്കുവെച്ചു കൊണ്ടാണ് സന്തോഷ വാര്‍ത്ത നടി അറിയിച്ചത്. നിറവയറില്‍ മറ്റൊരു ഫോട്ടോഷൂട്ട് വീഡിയോയുമായി എത്തിയിരിക്കുകയാണ്
റെബ.

2022-ലാണ് റെബ ജോണും ജോമോന്‍ ജോസഫും വിവാഹിതരായത്. ഏറെക്കാലത്തെ പ്രണയത്തിന് ശേഷമായിരുന്നു വിവാഹം.

ജീവിതത്തിലെ ഏറ്റവും വലിയ സന്തോഷകാലം അതിന്റേതായ എല്ലാ രസങ്ങളോടെയും ആഘോഷിക്കുകയാണ് താരം. സന്തുഷ്ടരായാണ് ഇരുവരെയും കാണാനായത്.

2016-ല്‍ ജേക്കബിന്റെ സ്വര്‍ഗ്ഗരാജ്യം എന്ന ചിത്രത്തിലൂടെയാണ് റെബ സിനിമയില്‍ അരങ്ങേറ്റം കുറിച്ചത്. മലയാളത്തിന് പുറമേ തെലുങ്കിലും തമിഴിലും നടി അഭിനയിച്ചിട്ടുണ്ട്.