എമ്പുരാനും ‘മേലെ’; ദൃശ്യം 3 ആദ്യ ഷോ പുലർച്ചെ?

ബോക്‌സ്ഓഫീസിൽ റെക്കോർഡ് പൂരം തുടരാൻ മോഹൻലാൽ. ജീത്തു ജോസഫ് സംവിധാനം ചെയ്യുന്ന ‘ദൃശ്യം 3’ മലയാളത്തിലെ ഏറ്റവും വലിയ റിലീസ് ആയേക്കും. മോഹൻലാലിന്റെ തന്നെ എമ്പുരാനെ ദൃശ്യം 3 മറികടക്കാനാണ് സാധ്യത.

എമ്പുരാനേക്കാൾ അധികം ഷോകൾ ദൃശ്യം 3 ക്ക് ഉണ്ടാകും. കേരളത്തിലെ ആദ്യ ഷോ പുലർച്ചെ നടത്താനാണ് ആലോചന. സിനിമയ്ക്കു മികച്ച റിപ്പോർട്ടുകൾ കൂടി ലഭിക്കുകയാണെങ്കിൽ ആദ്യദിന കളക്ഷനിൽ എമ്പുരാനെ മറികടക്കാനാകും.

ഇന്ത്യൻ ബോക്‌സ്ഓഫീസിൽ മലയാളം സിനിമയ്ക്കു ലഭിച്ചിരിക്കുന്ന ഏറ്റവും ഉയർന്ന കളക്ഷൻ 21 കോടിയാണ്. വേൾഡ് വൈഡ് കളക്ഷൻ 70.14 കോടിയും. എമ്പുരാന്റെ ഈ നേട്ടങ്ങൾ ദൃശ്യം 3 മറികടക്കുമോ എന്നാണ് എല്ലാവരും ഉറ്റുനോക്കുന്നത്.