latest news
അച്ഛന്റെയും അമ്മയുടെയും നമ്പര്‍ പോലും തന്റെ കൈയ്യില്‍ ഇല്ല; ധ്യാന്‍
ആരാധകര്‍ക്ക് ഏറെ പ്രിയപ്പെട്ട താരകുടുംബമാണ് ശ്രീനിവാസന്റേത്. അച്ഛന്റെ പാത പിന്തുടര്‍ന്ന് മക്കളാണ് വിനീതും ധ്യാനും സിനിമാ രംഗത്ത് സജീവമാണ്. ശ്രീനിവാസനെപ്പോലെ തന്നെ സകലകലാവല്ലഭനാണ് വിനീത്. ഗായകന്‍, നടന്‍, സംവിധായകന്‍ എന്നീ നിലകളില്‍ എല്ലാം താരം കഴിവ് തെളിയിച്ച് കഴിഞ്ഞു.
ധ്യാന്‍ ശ്രീനിവാസനും ഒട്ടും മോശക്കാരനല്ല. ധ്യാനിന്റെ ഇന്റര്‍വ്യൂകളെല്ലാം വലിയ ഹിറ്റാകാറുണ്ട്. വലിയ രീതിയിലുള്ള പിന്തുണയാണ് ധ്യാനിന്റെ എല്ലാ ഇന്റര്‍വ്യൂകള്‍ക്കും കിട്ടാറ്. എല്ലാ കാര്യങ്ങളും ഒട്ടും മടികൂടാതെ ആരാധകര്‍ക്ക് മുന്നില്‍ തുറന്ന് പറയുന്ന പ്രകൃതമാണ് ധ്യാനിന്റേത്.
അച്ഛനും അമ്മയും വര്‍ഷങ്ങളായി തന്നെ വിളിക്കാറില്ലെന്ന് പറയുകയാണ് ധ്യാന്‍. പതിവ് ശൈലിയില്‍ ഉള്ള വര്‍ത്തമാനത്തില്‍ ആണ് ധ്യാന്‍ ഇക്കാര്യം പറയുന്നത്. അച്ഛന്റെയും അമ്മയുടെയും നമ്പര്‍ പോലും തന്റെ കൈയ്യില്‍ ഇല്ല. ഞാന്‍ വീട്ടില്‍ പോകുമ്പോള്‍ അവരെ കാണാറുണ്ട് എന്നല്ലാതെ എന്നെ ഇങ്ങോട്ട് വിളിക്കുന്ന ആളുകള്‍ അല്ല അവര്‍. അച്ഛന്‍ എന്നെ വിളിച്ചിട്ട് പതിനഞ്ചുവര്ഷത്തിനു മുകളില്‍ ആയി എന്നും ധ്യാന്‍ പറയുന്നു.
