ഞാനും ആര്യയും കുറേ അനുഭവിച്ചതാണ്; സിബിന്‍ പറയുന്നു

ടെലിവിഷന്‍ അവതാരക, അഭിനയേത്രി എന്നീ നിലകളിലെല്ലാം എല്ലാവര്‍ക്കും പ്രിയപ്പെട്ട താരമാണ് ആര്യ ബാബു. ബഡായി ബംഗ്ലാവ് എന്ന ഏഷ്യാനെറ്റിലെ പരിപാടിയാണ് ആര്യയെ കൂടുതല്‍ ശ്രദ്ധേയമാക്കിയത്. പിന്നീട് ആര്യ ബഡായി എന്ന പേരില്‍ അറിയപ്പെടാന്‍ തുടങ്ങി.

മോഡലിംഗിലൂടെയാണ് ആര്യ അഭിനയ രംഗത്തേക്ക് എത്തുന്നത്. ജനപ്രിയ റിയാലിറ്റി ഷോയായ ബിഗ് ബോസ് മലയാളത്തിന്റെ രണ്ടാം പതിപ്പിലെ ഒരു മത്സരാര്‍ത്ഥി കൂടിയായിരുന്നു ആര്യ. താരത്തിന്റെ ബിഗ് ബോസിലെ പ്രകടനവും ഏറെ പ്രശംസ പിടിച്ചു പറ്റിയിരുന്നു.

ഇപ്പോള്‍ സിബിനും ആര്യയും വിവാഹിതരാകാന്‍ പോവുകയാണ്. ഇപ്പോള്‍ ആര്യയെക്കുറിച്ച് സിബിന്‍ പറഞ്ഞ കാര്യങ്ങളാണ് വൈറലായിരിക്കുന്നത്. ഒന്നാകാന്‍ തീരുമാനിച്ചതിന് പിന്നിലെ കാരണമെന്താണെന്ന് ചോദിച്ചാല്‍ എനിക്ക് വളരെ മോശം ഭൂതകാലമുണ്ട്. ആര്യയ്ക്കും അതുപോലെ തന്നെയാണ്. മാത്രമല്ല രണ്ടുപേരും പരസ്പരം നന്നായി അറിയാവുന്ന ആള്‍ക്കാരുമാണ്. അതുകൊണ്ടാണ് വിവാഹിതരാകാമെന്ന് തീരുമാനിച്ചത്. ഞാനും ആര്യയും ഒരുമിച്ച് ഇരുന്ന് ബാക്കി കഥകളെല്ലാം ഒരിക്കല്‍ പറയാം. എനിക്ക് എപ്പോഴും ലോ പ്രൊഫൈല്‍ സൂക്ഷിക്കാനാണ് ഇഷ്ടം. എനിക്ക് എല്ലായിടത്തും പോകുമ്പോള്‍ ഞാനായി തന്നെ ഇരിക്കാനാണ് ഇഷ്ടം. എന്‍??ഗേജ്‌മെന്റിനുശേഷം പുറത്തിറങ്ങുമ്പോഴെല്ലാം ആര്യയെ കുറിച്ചാണ് ചോദ്യങ്ങളെല്ലാം. ഷോയില്‍ കണ്ട് കണ്ട് അടുത്ത് പരിചയമുള്ള ആളുകളെപ്പോലെയാണ് നമ്മളെ എവിടെ വെച്ച് കണ്ടാലും ആളുകള്‍ ട്രീറ്റ് ചെയ്യുന്നതെന്നും സിബിന്‍ പറയുന്നു.